Sigismundsüüle

d Sigismundsüüle vor em Chönigsschloss z Warschau

D Sigismundsüüle isch es Dänkmool im Härze vo de Stadt Warschau uf em Schlossplatz.

Es isch eini vo de Sehenswürdigkeite vo de polnische Hauptstadt.

Die barocki Süüle isch im Joor 1644 vom Chönig Władysław IV. Wasa für d'Erinnerig a sym Vater Sigismund III. Wasa buut worde, will er Warschau 1596 zuer Hauptstadt bestumme hät.

S zweiehalb Meter höche Dänkmal isch vom italiänische Bildhauer Clemente Molli gmacht worde. S Dänkmal hät es chöniglichs Ornat mitere Chrone uf em Chopf, em grosse Chrüz i de einte Hand, i de andere en Sabel.

D Süüle isch 20 Meter gross und hät vier Dafele dra. Sie zeiged die grösste Leischtige vom Chönig. I dere Uufmachig tuet d Süüle ender anes religiöses Sybol erinnere weder anes nationals Symbol, wo mit de änge Nöchi vom Chönig mit de katholische Chile sicher nöd zuefällig isch.

D Sigismundssüüle isch 1944 vo de Dütsche zerstört worde, aber schoo füüf Joor spöter hät me se fascht am alte Platz wiederuufbuut, ab dänn au als Symbol für de Wiederuufbuu vo de ganz kabute Stadt.

• 
  d Sigismundsüle

Weblink

 Commons: Sigismundssäule – Sammlig vo Multimediadateie

52.24732777777821.013452777778

Dä Artikel basiert uff ere fräie Übersetzig vu dere Version vum Artikel „Sigismundssäule“ vu de dütsche Wikipedia. E Liste vu de Autore un Versione isch do z finde.