Sibylle Ott

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

D Sibylle Ott (* 1956 z Basel) isch e Schwiizer Filmmachere und Kulturvermittlere.

Läbe und Wärk[ändere | Quälltäxt bearbeite]

D Ott isch z Basel uf d Wält choo. Noch dr Schuel het si e Zitlang as Landkommunardin, Büürin und Wirtin uf em Land gläbt. Denn het si Glägehaitsarbaite gmacht as Sekretärin und Journalistin. Hützudags läbt si z Basel und macht sit 1992 Film, vor allem dokumentarischi. Si git au as Gastdozäntin an dr Fachhochschuel Nordwestschwiiz Underrichd und laitet Kürs.

Si het e Dokumentarfilm «Mit eigenen Augen» (Pankraz Film) draiht, wo 1998 im Basler Stadtkino urufgfüehrt worden isch. 2001 het si dr Dokumentarfilm «Captain Handicap» gmacht.

Sit 2001 laitet si s Basler «wildwuchs»-Festival für Behindereti und Nit-Behindereti, wo in däm Johr vo dr gmischte Musikcombo «Die Anderen» und vo «zmittsdrin» gründet worden isch. 2009 het si für die künstlerischig Laitig vom Festival dr Kulturbriis vo dr Stadt Basel überchoo.

Uszeichnige[ändere | Quälltäxt bearbeite]

Weblingg[ändere | Quälltäxt bearbeite]