Sheffield

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Sheffield
Sheffield, Town Hall
Sheffield, Town Hall
Wappen
Wappen
Koordinate 53° 23′ N, 1° 28′ W53.3824-1.4719Koordinaten: 53° 23′ N, 1° 28′ W
Sheffield (England)
Sheffield
Sheffield
Bevölkerig 557.382 (Stand: 2012[1])
Flechi 367,94 km² (142,06dep1)
Bevölkerigs­dichdi 1.514,9 Iiwooner/km²
Verwaltig
Postleitzahle­abschnitt S
Vorwaal 0114
Landesdäil England
Region Yorkshire and the Humber
Zeremonielli Groofschaft South Yorkshire
ONS-Code 00CG
Website: www.sheffield.gov.uk

Sheffield [ˈʃɛfiːld] isch e britischi Groossstadt in South Yorkshire und Verwaltigssitz vo dr Region Yorkshire and the Humber. Iire Naame chunnt vom River Sheaf, wo entstoot, wil dört dr Totley Brook und dr Old Hay Brook inenanderfliess. D Stadt het öbbe 557'000 Iiwooner und isch äini vo de grösste Stedt in Ängland. Sheffield het dr Status von ere City und isch e Metropolitan Borough im Metropolitan County South Yorkshire. D Metropolregion Sheffield het öbbe 1,2 Millione Iiwooner.

Geografii[ändere | Quälltäxt bearbeite]

Zur Metropolregion vo Sheffield ghööre d Stedt Rotherham, Doncaster und Barnsley. S Gebiet vo dr Stadt lit uf eme hüglige Bärgland, wo dr höggst Punkt von em 548 m hooch isch und dr niidrigst 29 m ASL. Fümf Flüss fliesse dur s Stadtgebiet, d Don, Sheaf, Rivelin, Loxley und Porter. Im Weste vo dr Stadt lit dr Peak-District-Nationalpark und die südlige Uslöifer vom Pennines-Gebirg. Es het in dr Stadt mee as 170 Wälder und 88 öffentligi Gärte und Parkaalaage und relativ zur Zaal vo de Iiwooner isch s die grüensti Stadt in Öiropa.

Wirtschaft[ändere | Quälltäxt bearbeite]

Sheffield isch lang bekannt gsi für sini Staalbrodukt. 1913 het dr Harry Brearley dr rostfrei Staal erfunde. Anderi wichdigi Industriizwiig si dr Choolebärgbau und d Stäibrüch gsi. In de 1970er Joor si vili Staalwärk zuedoo worde und Masse vo Arbäiter si arbetsloos worde. Hüte isch Sheffield e dienstläistigsorientierti Stadt.

Fuessnoote[ändere | Quälltäxt bearbeite]

  1. Bevölkerig vo Ängland und Wales am 30. Juni 2012 (ZIP; 832 kB)
Information icon.svg Dä Artikel basiert uff ere fräie Übersetzig vum Artikel „Sheffield“ vu de dütsche Wikipedia.

E Liste vu de Autore un Versione isch do z finde.