Servius Tullius

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Servius Tullius isch de sechst König vo Rom (578-534 v.Chr.) gsii.

Inhaltsverzeichnis

Famili[ändere | Quälltäxt bearbeite]

De Servius Tullius isch de Soo vom Servius Tullius us Corniculum gsii. Si Vatter isch im Chrieg geg Rom gfalle und er isch zäme mit sinere Muetter Ocrisia as Gfangne uf Rom cho. D Königin Tanaquil, wo e Woorsegeri gsii isch, het ahand vo Vorzaiche erchennt, as er König vo Rom werdi und het em eri Töchter Tarquinia zur Frau ggee, won em zwoo Töchtere gschenkt het, d Tullia di Älteri und d Tullia di Jüngeri

Taate[ändere | Quälltäxt bearbeite]

Noch de Ermordig vom Lucius Tarquinius Priscus het d Tanaquil dör e List erraicht, as de Servius Tullius zom König gwäält woren isch. De het di beede Hügel Viminal und Esquilin i d Stadt Rom iiglideret und d Börger vo Rom i sechs Klasse iitailt, jenochdem wie riich si gsii sind.

Tood[ändere | Quälltäxt bearbeite]

De Lucius Tarquinius Superbus wo d Tullia di Jüngeri ghüroote gha het, het sich i sini Schwöögeri Tullia di Älteri verliebt. Baid hend bischlosse eri Partner z ermorde und denn selber z hüroote. Drufabe het de Lucius grad ono de Servius Tullius öffetlich ermordet und d Königsmacht usurpiert.

Mastarna[ändere | Quälltäxt bearbeite]

En alternativi Öberliferig brichtet, as de Etrsuker Mastarna vo Volci zäme mit dem Brüederpaar Aulus und Caeles Vibenna uf Rom cho sai, um em Lucius Tarquinius Priscus z helfe. De Mastarna heb denn d Macht öbernoo und as König Servius Tullius öber Rom gherrscht.

Die Saag isch au uf Freske us de Tomba François vo de etruskische Stadt Volci abbildet. Si zaiget, wie de Macstarna a sim Fründ Caile Vipinas helft, wäred de Avle Vipinas e Gegner us Falerii tötet.