Seh Calaz

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Seh Calaz (* 2. August 1990 z Simbabwe als Tawanda Mumanyi) isch e simbabwische Rapper.

Dr Seh Calaz isch bi Harare ufgwachse und het d St. Peter's Primary School, d Mutendi High School und d Trust Academy z Harare bsuecht. Är het d Thembelihle Moyo ghürote und het mit ihre e Tochter. 2013 het er sini Karriere mit em Song Mabhanditi agfange, wo i de Slums viral gange isch, aber ned vo Radiosänder abgspilt worde isch. Ersch sin Song Mumota Murikubvira isch vo de meischte Radiosänder abgspilt worde. 2013 isch dr Seh Calaz am King-of-the-Dancehall-Wettbewärb zum beschte männliche Dancehall-Künstler („Best Male Dancehall Artist“) gwählt worde. Im gliche Johr het dr Seh Calaz mit em Turbulence zämme e Remix vom Seh Calaz sim Song Mumota Murikubvira veröffentlicht.[1]

2016 isch dr Seh Calaz sächsfach für di simbabwische Zimdancehall Awards nominiert worde.[2]

Quelle[ändere | Quälltäxt bearbeite]

  1. Biografie auf pindula.co.zw
  2. Zimdancehall Awards 2016: Who Got The Most Nominations? Artikel auf newsvyb.com