Scottish National Party

Us der alemannische Wikipedia, der freie Dialäkt-Enzyklopedy
Scottish National Party
Pàrtaidh Nàiseanta na h-Alba
Scottis Naitional Pairtie
Schottischi Nationalbartei
Logo vu dr SNP
d Nicola Sturgeon
Partei­vorsitz Nicola Sturgeon
Entstande Fusion vu dr National Party of Scotland mit dr Scottish Party
Gründig 20. April 1934 (Fusion)
Gründigs­ort Edinburgh
Haupt­sitz Gordon Lamb House
3 Jackson's Entry
Edinburgh, EH8 8PJ
Schottland
Jugend­organisation Young Scots for Independence
Uus­richtig Separatismus,
Sozialdemokraty[1],
Linksliberalismus,
Schottische Nationalismus
Farb(e)  Gelb un  Schwarz
Parlamentssitz Britischs Unterhuus:
56/650

Schottischs Barlemänt:
65/129
Mitgliider­zahl 115.000
Europaabgordneti
2/73
Europapartei Europäischi Freii Allianz (EFA)
EP-Fraktion Di Griene/Europäischi Freii Allianz (EFA)
Websiite www.snp.org

D Scottish National Party (schott.-gäl. Pàrtaidh Nàiseanta na h-Alba, Scots Scottis Naitional Pairtie, alem Schottischi Nationalbartei) isch e separatistischi, linksliberali Bartei z Schottland. D SNP isch di grescht Bartei vu Schottland un het syter anne 2011 en absoluti Meehait im schottische Barlemänt.

Dr Schauspiler Sean Connery isch ain vu dr greschte finanziälle Ferderer vu dr Bartei.

Gschicht un Gegewart[ändere | Quälltäxt bearbeite]

D SNP isch anne 1934 entstanden us dr Fusion vu dr „National Party of Scotland“ un dr „Scottish Party“. Dr erscht Barlemäntssitz het d Bartei 1945 bi re Noowahl gwunne, dr Kandidat het si aber us Brinzip gwaigeret, dr s Madat z ibernee, drei Monet speter isch dr Sitz derno wider verlore gange. Dr negscht Erfolg isch dr Siig vu dr SNP-Kandidati Winnie Ewing bi dr Noowahl im schottische Wahlkrais Hamilton am 2. Novämber 1967 gsii. Ihre erschte Hegschtpunkt het d SNP in dr 1970er gha: Unter em Slogan It’s Scotland’s oil het fir si dr Aaspruch vu Schottland uf s nei gfunde Nordseeel gstellt – s Land chennt si no dr SNP vun eme subventionsabhängige Biet zue aim vu dr rychschte Länder vu Europa entwickle. Dr Slogan isch seli erfolgrych gsii: in dr Johr derno het si dr Stimmenaadail vu dr SNP vervierfacht. Bi dr Unterhuuswahlen im Oktober 1974 het si mit iber 800.000 Stimmen iber e Drittel vu allne schottische Stimmen iberchuu un het elf Barlemäntatirer chennen uf London schicke. In däne Johr isch dr ideologisch Standpunkt vu dr SNP nonig gfeschtigt gsii. Dr bolitisch un ideologisch Hauptgegner z Schottland, wu allno stark vu Induschtryarbaiter bregt sgii isch, isch d Scottish Labour Party gsii. In dr SNP het si Ändi 1970er Johr d 79 Group formiert, wu d Bartei wyter links uuse wie di sozialistisch Bartei het welle blatziere. Zue dr Verdrätter vu dr 79 Group het au dr speter First Minister un SNP-Vorsitzer Alex Salmond ghert. As barteiintärni Gegestremig isch unter dr Feirig vu dr Winnie Ewing d Campaign for Nationalism in Scotland grindet wore, wu as Hauptziil d Unabhängigkait vu Schottland ghaa het, unabhängig vu draditionällen ideologische rächts/links-Schemata. No dr Wahl vum Gordon Wilson zum Barteifierer vu dr SNP 1982 hän si die barteiintärne Fraktionen uf Druck vu obe wider ufglest.

Aini vu dr Hauptforderige vu dr SNP näbe dr Unabhängigkait vu Schottland isch au d Wideryyfierig vum Schottische Barlemänt gsii. Die Forderig isch anne 1999 erfillt wore.

Schottischi Regierig[ändere | Quälltäxt bearbeite]

S SNP-Kabinett vu Schottland im Mai 2011

Am 16. Mai 2007 isch dr Alex Salmond zum schottische Minischterbresidänt („Erschte Minischter“) gwehlt wore, as Noofolger vum Labou-Bolitiker Jack McConnell. Dr Salmond het zämme mit dr Scottish Green Party e Minderhaitsregierig bildet, wel di Liberale kai Koalition mit dr SNP hän wellen yygoo. Bi dr schottische Barlemäntswahl 2011 het d SNP di absolut Meehait im Barlemänt iberchuu mit 69 vu dr 129 Sitz. S Referändum iber d Unabhängikait vu Schottland, wu d Bartei im Wahl aagchindet het, het am 18. Septämber 2014 stattgfunde, d Meehait het si aber gege ne Abspaltig vum Verainigte Chenigrych uusgsproche. Dr Alex Salmond isch derno as First Minister un Vorsitzer vu dr SNP zruggdrätte, sy Noofolgeri isch d Nicola Sturgeon wore.

Vorsitzer/ne[ändere | Quälltäxt bearbeite]

  • 1934–1936 Alexander MacEwan
  • 1936–1940 Andrew Dewar Gibb
  • 1940–1942 William Power
  • 1942–1945 Douglas Young
  • 1945–1947 Bruce Watson
  • 1947–1956 Robert McIntyre
  • 1956–1960 James Halliday
  • 1960–1969 Arthur Donaldson
  • 1969–1979 William Wolfe
  • 1979–1990 Gordon Wilson
  • 1990–2000 Alex Salmond
  • 2000–2004 John Swinney
  • 2004–2014 Alex Salmond
  • 2014-hite Nicola Sturgeon

Wahlergebnis[ändere | Quälltäxt bearbeite]

Unterhuuswahle
Johr Wahlergebnis Mandat
1935 01,1 % 0 vu 72
1945 01,2 % 0 vu 72
1950 00,4 % 0 vu 72
1951 00,3 % 0 vu 72
1955 00,5 % 0 vu 72
1959 00,5 % 0 vu 72
1964 02,4 % 0 vu 72
1966 05,0 % 0 vu 72
1970 11,4 % 1 vu 72
Feb. 1974 21,9 % 7 vu 72
Okt. 1974 30,4 % 11 vu 72
1979 17,3 % 2 vu 72
1983 11,7 % 2 vu 72
1987 14,0 % 3 vu 72
1992 21,5 % 3 vu 72
1997 22,1 % 6 vu 72
2001 20,1 % 5 vu 72
2005 17,7 % 6 vu 59
2010 19,9 % 6 vu 59
2015 50,0 % 56 vu 59
Europwahle
Johr Wahlergebnis Mandat
1979 19,4 % 1 vu 8
1984 17,9 % 1 vu 8
1989 25,6 % 1 vu 8
1994 32,6 % 2 vu 8
1999 27,2 % 2 vu 8
2004 19,7 % 2 vu 7
2009 29,1 % 2 vu 6
2014 29,6 % 2 vu 6
Schottischi Barlemäntswahle
Johr Wahlergebnis Mandat
1999 28,7 % 35 vu 129
2003 23,8 % 27 vu 129
2007 31,0 % 47 vu 129
2011 45,4 % 69 vu 129

Literatur[ändere | Quälltäxt bearbeite]

  • Claire Sutherland: Neo-nationalist ideology: a discourse theoretical approach to the SNP and the CSU. PhD thesis. University of Edinburgh, 2002

Weblink[ändere | Quälltäxt bearbeite]

Fuessnote[ändere | Quälltäxt bearbeite]

  1. Hassan, Gerry (2009), The Modern SNP: From Protest to Power, Edinburgh University Press, pp. 4–5
Dä Artikel basiert uff ere fräie Übersetzig vu dere Version vum Artikel „Scottish_National_Party“ vu de dütsche Wikipedia. E Liste vu de Autore un Versione isch do z finde.