Schwiizerische Alpwirtschaftliche Verband

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Schwiizerisch Alpwirtschaftlich Verband (SAV) – uf Französisch Société Suisse d’économie alpestre, und uf Itliänisch Società svizzera d’economia alpestre – isch e Schwiizer Organisazioon vo dr Landwirtschaftspolitik.

Gschicht[ändere | Quälltäxt bearbeite]

Dr SAV isch organisiert als Verein. Er isch anne 1863 gründet worde und het denn und no bis as Ändi vom 20. Joorhundert dr Name Schwiizerische Alpwirtschaftliche Verein gha.

Wo d Fachlüüt vo dr Agrarwirtschaft gmerkt händ, ass i dr Schwiiz im 19. Joorhundert d Landwirtschaft im Taal vo dr Politik meh gförderet wird als die auf den Alpe, und au, ass d Sümmerig uf teil Alpe nid psunders guet organisiert isch, het me dä gsamtschwiizerisch Verein gründet, zum de Puure z hälfe und au i dr Politik d Sach vo dr Bärglandwirtschaft besser z verträtte. Es sind dozmol grundlegendi Schrifte usgschaffet worde zu däm Berych vo dr Landwirtschaft, so wie öppe die wo dr ETH-Profässer Elias Landolt anne 1862 über d Bärgwälder und d Alpe gschribe het.

D Iniziante für d Gründig vom SAV sind dr Joseph Schild usem Kanton Soledurn und dr Bärner Rudolf Schatzmann gsi.

1864 isch die erschti Alpstatistik usecho, wo dr SAV agfange und zäme mit em Eidgenössische Statistische Büro fertig gmacht het.

Sekzioone[ändere | Quälltäxt bearbeite]

Dr SAV het Sekzioone i dene Kantöön:

  • Apezäll Inneroode
  • Apezäll usseroode
  • Bärn
  • Friburg
  • Glarus
  • Graubünde
  • Jura
  • Luzärn
  • Nidwalde
  • Obwalde
  • Sanggalle
  • Uri
  • Tessin
  • Wallis

Weblink[ändere | Quälltäxt bearbeite]