dat-das-Linie

Dialäkt: Undermarkgreflerisch

Verlauf vu dr dat-das-Linie im weschtmitteldytsche Dialäktruum

D dat-das-Linie oder au wat-was-Linie wird in dr Sprochwisseschaft d Isoglosse gnännt, wu verschobene t im Uuslut vu bstimmte Chlaiwerter vum uuverschobene t drännt. Anderi Näme vu däre Linie sin Sankt-Goarer-Linie un Hunsrück-Schranke. In dr Dialäkt nerdlig vu däre Linie sait mer dat, wat, et usw., sidlig sait mer das, was, es. D dat-wat-Linie bildet im weschtmitteldytsche Dialäktruum d Gränze zwische dr moselfränkische un dr ryyfränkische Dialäkt.

Verlauf

D dat-das-Linie isch Dail vum Ryynische Fächer. Si chunnt vu Lothringe här in s Saarland un goht vu Sidwescht no Nordoscht dur s Saarland dure an d Nahe, derno dur Ryyland-Pfalz iber dr Hunsrück un chunnt bi Sankt Goar an dr Ryy. Derno verlauft si an dr Gränze zwische Ryyland-Pfalz un Hesse lang iber Limburg an der Lahn un Dillenburg, bis si z Nordryy-Weschtfale an d Benrather Linie („Eifel-Schranke“) chunnt. Vu dert ab verlauft si idäntisch mit dr Benrather Linie bis an d Oschtgränze vum dytsche Sproochruum.

Lueg au

• Speyerer Linie
• Germersheimer Linie

Literatur

• dtv-Atlas zur deutschen Sprache, 13. durchgesehene Auflage, München 2001

Weblink

• Mundart im Saarland, Mundart - Sprachrelief, Artikel iber d das/dat-Linie im Saarland uf dr Syte vu dr Stadt Völklingen