Sandra Regol

Us der alemannische Wikipedia, der freie Dialäkt-Enzyklopedy
Dialäkt: Mìlhüüserdiitsch

D’ Sandra Regol LL-Q150 (fra)-Mathieu Kappler-Sandra Regol.wav [sɑ̃dʁa ʁeɡɔl] (* 13. Àwrìl 1978 z’ Béziers, Département Hérault) ìsch a frànzeescha Politikera vu dr Pàrtäi Europe Écologie Les Verts (EELV). Sitter 2022 ìsch sa Àbgoordneta vum 1. Wàhlkrais vum Unt’relsàss ìn dr Nàzionààlversàmmlung.

ìhr Laawa un Kàrriar[ändere | Quälltäxt bearbeite]

D’ Sandra Regol ìsch ànna 1978 z’ Béziers ìm Süüdfrànkrììch uff d’ Walt kumma. Schuu-n-àls Schialera-n-àm Gymnààsium ìn ìhrer Haimetschtàdt Pézenas bii Béziers hàt sa sìch fìr Umweltschutz gschtällt, àls Mìtglìed vu dr Büüragwarkschàft Confédération paysanne. Drnooh hàt sa àn dr Üniwärsitäät vu Pàriis-8 un Dijon gschtudiart. Àb 2004 hàt sa àls Kommünikàzioonslaitera àn dr Hàndelshoochschüal EM Strasbourg z’ Schtroossburi gschàfft, un àui àn dr Hoochschüal Sciences Po.[1][2]

Z’ Schtroossburi ìsch d’ Regol Laitera vu dr lokààla-n-Àbtailung vu dr Umwaltschutz-Pàrtäi Europe Écologie Les Verts (EELV) worra, un drnooh Laitera vu dr Département-Àbtailung Unt’relsàss un schpeeter vu dr regionààla-n-Àbtailung Elsàss. Sa ìsch àui Mìtglìed ìm nàzionààla Pàrtäivorschtànd gsìì un ìsch ànna 2019 schtällvertrattenda Pàrtäisekretäära worra, unt’r dr Laitung vum Pàrtäisekretäär Julien Bayou.[1][2]

Àn dr Pàrlàmantswàhl vu 2012 hàt sìch d’ Regol ìm 1. Wàhlkrais vum Unt’relsàss uffgschtällt. Ìn dr äärschta Runda-n-ìsch sa mìt 6,63 Prozant vu da Schtìmma gschlààga worra.[3] Ìm Septamber 2020 hàt sa sìch àn’ra Nàchwàhl ìm 9. Wàhlkrais vum Val-de-Marne uffgschtällt, àwwer hàt àm zwaita Wàhlgàng numma 42,20 Prozant vu da Schtìmma bikumma un ìsch àlso vu dr Soziàlìschta-n-Isabelle Santiago gschlààga worra.[4] Àn dr Pàrlàmantswàhl vu 2022 hàt sìch d’ Regol nochamol ìm 1. Wàhlkrais vum Unt’relsàss uffgschtällt, àls Kàndidààta vum lìnka Pàrtäijabìndniss NUPES. Sa ìsch àm äärschta Wàhlgàng mìt 38,07 Prozant vu da Schtìmma-n-uff Plàtz 1 ànakumma, un ìsch drnooh àm zwaita Wàhlgàng mìt 51,47 Prozant vu da Schtìmma gwählt worra.[5]

Noch hìtt labt d’ Sandra Regol z’ Schtroossburi.[2]

Weblìnks[ändere | Quälltäxt bearbeite]

Ainzelnoohwiisa[ändere | Quälltäxt bearbeite]

  1. 1,0 1,1 Flavien Gagnepain: Législatives 2022 : qui est Sandra Regol (NUPES), élue députée dans la première circonscription du Bas-Rhin. France 3 Grand Est, 20. Juni 2022, abgruefen am 22. Juli 2022 (französisch).
  2. 2,0 2,1 2,2 François Chagnaud: Législatives : Sandra Regol, la numéro 2 des Verts, nouvelle députée du Bas-Rhin. France Bleu, 19. Juni 2022, abgruefen am 22. Juli 2022 (französisch).
  3. Résultats des législatives de 2012 : 1ère circonscription du Bas-Rhin. In: Politiquemania. Abgruefen am 22. Juli 2022 (französisch).
  4. Élection législative partielle - 9ème circonscription du Val-de-Marne - 20 et 27 septembre 2020. (pdf) Frànzeesch Ìnnaminìschterium, abgruefen am 22. Juli 2022 (französisch).
  5. Bas-Rhin - 1ère circonscription : Résultats élections législatives 2022. France Info, abgruefen am 22. Juli 2022 (französisch).