S Rundhoofgeböid vo dr Schwizerische Mustermäss

Us der alemannische Wikipedia, der freie Dialäkt-Enzyklopedy

Koordinate: 47° 33′ 54,6″ N, 7° 36′ 4,7″ O; CH1903: 612242 / 268286

Dialäkt: Baseldütsch
S Rundhoofgeböid vo dr Schwizerische Mustermäss vom Mässdurm us gsee
Dr Iigang zur Halle 2

S Rundhoofgeböid vo dr Schwizerische Mustermäss isch en Ustelligshalle uf em Gländ vo dr Schwizerische Mustermäss am Mässblatz 9 z Baasel. Es zelt as Baasler Kulturguet, wo nazionali Bedütig het.

S Geböid isch 1954 vom Archidekt Hans Hofmann, wo au dr Archidekt vo dr Landi z Züri gsi isch, baut worde.[1] Es isch e tüpischs Bauwärk us de 1950er Joor vo hoocher Kwalideet und het sich mit sinere markante Uur über em Iigang zum e Baasler Woorzäiche entwigglet.

D Däil vom Bau sin klaari geometrischi Körper, wo uf Kwadrat, Kräis und Rächtegg ufbaut si. Es isch e Zwäckgeböid us Staal, Beton, Bachstäi und Glaas. D Farbgääbig isch bregnant und understützt die funkzionali Ornig.

1992 isch s Geböid vo Fierz Architekten renowiert worde.[2]

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Schweizer Ingenieur und Architekt, Band 107, Usgoobe 1-12, Braendle., 1989, S. 281
  2. Architektur in Basel. Archiviert vom Original am 13. Juni 2013; abgruefen am 26. Juli 2014.