Rue Henri-Poincaré (Nànzig)

Dialäkt: Mìlhüüserdiitsch

D’ Rue Henri-Poincaré [ʁy ɑ̃ʁi pwɛ̃kaʁe] ìsch a Schtrooss ìm Schtàdtzäntrum vu Nànzig ìm Lothrìnga.

Geogràfii un Gschìcht

D’ Rue Henri-Poincaré ìsch a Aibàhnschtrooss, wo ìn Rìchtung Nordoscht fàhrt. Sa fàhrt uff äbba 300 Määter vu dr Rue Mazagran ìm Süüdwäschta bis àn dr Kriizung vu dr Rue Gambetta un dr Rue de la Visitation ìm Nordoschta. Vu doo àb wìrd sa vu dr Rue Gambetta ìn Rìchtung Nordoscht bis àn dr Rue des Dominicains verlängert. Uff ìhrer Süüdoschtsitta düet d’ Rue Henri-Poincaré zwai Aibàhnschtroossa kriiza: z’äärscht d’ Rue Poirel un witterscht d’ Rue Chanzy. Uff äbba 170 Määter zwìscha dr Rue Chanzy un dr Rue de la Visitation fàhrt sa äntlàng em Lycée Poincaré, em wìchtìgschta Gymnàsium vu dr Schtàdt. Uff dr Nordsitta vu dr Schtrooss geega-n-ìwwer’m Hàuiptiigàng vum Gymnààsium, ìsch dr Place Dombasle z’ fìnda. Wämmer dur dr Plàtz fàhrt, kummt maa-n-uff dr Rue Stanislas.

D’ Schtrooss ìsch sallamols dr wäschtliga Tail vu dr Rue Gambetta gsìì. Ànna 1955 hàt sa a aiganer Nàmma bikumma. Gnännt ìsch sa noh-n-em Màthemàtiker Henri Poincaré (1854–1912), wo z’ Nànzig uff d’ Walt kumma-n-ìsch.

wàs doo z’ sah ìsch

Àn dr Schtrooss sìnn mehrera wìchtiga Gebäijer z’ sah:

• Ìnnerhàlb vu da Müüra vum Lycée Poincaré, àn dr Kriizung vu dr Rue de la Visitation, ìsch d’ Mariä-Haimsüachung-Kàpall. Sa ìsch àls Hischtoorisch Dankmol gschìtzt.
• Àn Nr. 40 ìsch d’ Hàndels- un Ìndüschtriikàmmer vu dr Meurthe-et-Moselle. Mehrera Ìnnertaila sìnn àls Hischtoorischa Dankmooler gschìtzt.
• Àn dr Kriizung vu dr Rue Mazagran ìsch s’ Gàschthüüs Excelsior, wo eewafàlls unt’r Dankmolschutz schteht.

• 
  d’ Fàssààda vum Gàschthüüs Excelsior
• 
  d’ Fàssààda vu dr Hàndels- un Ìndüschtriikàmmer
• 
  a bunt Fanschter ìm Gebäi vu dr Hàndels- un Ìndüschtriikàmmer
• 
  s’ Ìnnera vu dr Màriä-Haimsüachung-Kàpall

Lìteràtüür

• Henri Poincaré (rue). In: Jean-Marie Cuny (Hrsg.): Dictionnaire des rues de Nancy. Éditions Jean-Marie Cuny – Jean de Cousance Éditeur, Nànzig 2001, ISBN 2-908141-07-8, S. 121–122 (französisch). 
• Rue Henri Poincaré. In: Paul Robaux, Dominique Robaux (Hrsg.): Les Rues de Nancy. Editions Univeristaires Peter-Lang, Nànzig/Bärn 1984, ISBN 3-261-04000-9, S. 163–164 (französisch). 

Weblìnks

 Commons: Rue Henri-Poincaré (Nànzig) – Sammlig vo Multimediadateie

48.691196.17734