Roger Siffer

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Elsassisch
Dr Roger Siffer (2012)

Dr Roger Siffer (* 2. September 1948 z'Willer) ìsch a elsassischer Kabarettischt, Liadermàcher, Sanger un dr Leiter vum „Théâtre de la Choucrouterie“ z'Stroßburg.

Laweslàuif[ändere | Quälltäxt bearbeite]

Dr Roger Siffer hàt Philosophie z'Stroßburg gstudiart. Dia Studium hàt'r schnall verloh fer Müsik z'spìela.

Ànna 1968, mìt dr Unterstìtzung vum Germain Muller, hàt'r s erschta Mol vor'ma Publikum gsunga, àm Sürkrüttfascht vu Colmer[1].

Noh hàt dr Roger Siffer zwei Johr làng ìm „Barabli“, em Kabarett vum Germain Muller, mìtgmàcht.

Si Stil hàt mìt dr Zitt gschàngschiart: àm Ààfàng hàt'r hàuiptsachlig elsassischa Kìnderreimla un Volksliader gsàmmelt un gsunga; ar ìsch dernoh fracher worra un hàt sìch mehr ìn satirisch Humor speziàliziart. Dr Roger Siffer hàt uf sehr verschìedena Àrt d elsassischa Liader gsunga: vu Trìnkliader, wia si erschter großer Erfolg „Mademoiselle Anne-Marie“[2], bis uf moderna Müsik, wia sina perseenliga (un ungweehnliga) Version vum àlta tràditionnella Liad „D'r Hans em Schnokeloch“[3].

Ar hàt uf em Television-Sander „France 3 Alsace“ un àn „Radio France Alsace“ àls Animateur gschàfft[4]. Zitter 1986 màcht'r jeder Summer mìt sinera Truppa a „Tournée d'été“ dur s Elsàss[5]. Ìm Ditschlànd un ìn dr Schwitz ìsch'r aui bekànnt, ar hàt därt scho àn Television-Film mìtgmàcht.

Restaurant un Spektàkelsààl „La Choucrouterie“

Ar hàt üs'ra àlta Sürkrüttfàwrìk z'Stroßburg a Spektàkelsààl un a Restaurant gmàcht. As heißt „La Choucrouterie“ (d „Sürkrüttfàwrìk“ uf Elsassisch, oder „La Chouc“ àls Àbkìrzung uf Frànzeesch) un hàt àm 2. Hornung 1984 ufgmàcht. Zitter a pààr Johr wara ìn dr „Choucrouterie“ gliichzittig zwei Spektàkel zeigt: eins mìt elsassischem Text un eins numma uf Frànzeesch fer s Publikum wo kè Elsassisch versteht[6].

S elsassischa Kabarett[ändere | Quälltäxt bearbeite]

Dr Roger Siffer unterstìtzt s elsassischa Kabarett un wott's àls Waltkültürerbgüet vu dr UNESCO màcha ànerkenna, wial's einzigàrtig ìsch[7]. Dàs elsassischa Kabarett kààt ma dur zwei Bsunderheita bezeichna: d Zweisprochigkeit Elsassisch-Frànzeesch un dr rhiinisch Humor, a Àrt Humor ìn dr Gegend, wo garn d Gsellschàft un d Politiker üslàcht[8].

Diskografie (Üswàhl)[ändere | Quälltäxt bearbeite]

  • Krambol
  • Les plus belles chansons des tournées d'été 2
  • Les plus belles chansons des tournées d'été 1
  • Papa Rhein. Sketche und Lieder.
  • Klapperstei tournée d'été 99
  • Summer Tournée d'été 98
  • Danses Alsaciennes d'autrefois
  • Blues Blos Müsik
  • Em Remes sini Band
  • Madam' la Republik
  • 20 ans de chansons
  • Liedle fer Kleini un grossi
  • Langsam dummle
  • Alsace à vendre
  • Alsace au pluriel
  • Mine G'sang
  • Follig song

Üszeichnunga[ändere | Quälltäxt bearbeite]

  • Ànna 2002, Grand Prix de la musique traditionnelle (Tràditionnella Müsik)
  • Ìm Dezamber 2004, Officier des Arts et des Lettres

Referanz[ändere | Quälltäxt bearbeite]

  1. Interview vum Monet: Roger Siffer, uf coze.fr (fr)
  2. Liad „Mademoiselle Anne-Marie“ (Wärter)
  3. Liad „D'r Hans em Schnokeloch“ vum Roger Siffer, uf youtube / Tràditionella Wärter vum Liad
  4. Laweslàuif vum Roger Siffer, uf alsace-culture.com (fr)
  5. Blättla vu dr „Région alsace“ n°69, Sitta 20
  6. Berìcht vum Gabriel Goubet ìwer s elsassischa Kabarett, uf france 3 Alsace (bsundersch Minüta 5:00→7:00)
  7. Roger Siffer, le cabarettiste alsacien qui rêve de l'Unesco, uf Le Point.fr (fr)
  8. Video ìwer s elsassischa Kabarett, uf france 3 Alsace