Realsozialismus

Us der alemannische Wikipedia, der freie Dialäkt-Enzyklopedy

D Begriff Realsozialismus, reale Sozialismus oder real existierende Sozialismus si zerscht sit de 1970er Joor as Fremd- und Sälbstbezäichnig für s Gsellschaftssüsteem vo dr Dütsche Demokratische Republik iigfüert und denn au für äänligi Süsteem in Europa, Asie und uf Kuba brucht worde. Was die Süsteem gmäinsaam gha häi, isch d Vorheerschaft von ere Kommunistische Bardei gsi und ass sich die Gsellschafte as sozialistisch verstande häi und mäistens im Iiflussberiich vo dr Sowjetunion gsi si.[1]

D Staatsform vom real existierende Sozialismus isch d „Volksrepublik“ oder „demokratischi Volksrepublik“; s politische Süsteem vo sälle Gsellschafte isch von ere autokratische Äi-Bardeie-Herschaft kennzäichnet, s Wirtschaftssüsteem dur d Blaanwirtschaft oder dütlig blaanwirtschaftligi Elimänt.

Realsozialistischi Gsellschafte hüte[ändere | Quälltäxt bearbeite]

Dr Realsozialismus isch in de Staate vom öiropäische Ostblock noch 1989 vollständig zämmebroche. Es git aber immer no realsozialistischi Gsellschafte in Latiinamerika und Asie. Dr Sozialismus mit ere chineesische Bräägig isch under em Motto vom Deng Xiaoping Es spiilt käi Rolle, öb d Chatz schwarz oder wiss isch; solang si Müüs fangt, isch si cho e gueti Chatz bekannt worde. Am Aafang het mä weder im Zuestand vom Protosozialismus no in dr „Entfachig vo de Broduktivchreft“ e Brobleem gsee, solang mä no dra gschafft het, die politischi Vorherschaft vo dr Kommunistische Bardei vo China (KPCh) sicher z mache.

Mit em äänlige Konzept vom Đổi mới (Ernöijerig) in Vietnam het mä s dört fertig brocht, die wirtschaftligi Brodukzioon bedütend z vergröössere, bsundrigs die vo Cash Crops wie Kaffi. Für d Löösig vo realsozialistische Versorgigsbrobleem mit Konsumgüeter in dr DDR isch daas allerdings z spoot choo.

Litratuur[ändere | Quälltäxt bearbeite]

  • Rudolf Bahro: Die Alternative. Zur Kritik des real existierenden Sozialismus, Tribüne Verlag 1977, Neuauflage: Bund-Verlag 1990 (Informationen).
  • Antonio Carlo: Politische und ökonomische Struktur der UdSSR (1917–1975). Diktatur des Proletariats oder bürokratischer Kollektivismus, Wagenbach, Berlin 1972.
  • Klaus Steinitz: Das Scheitern des Realsozialismus. Schlussfolgerungen für die Linke im 21. Jahrhundert, VSA, Hamburg 2007. ISBN 978-3-89965-235-2.
  • Mathias Wiards: Krise im Realsozialismus. Die Politische Ökonomie der DDR in den 80er Jahren, Argument, Hamburg 2001.
  • Martin Blumentritt, Eberhard Braun, Wolfram Burisch: Kritische Philosophie gesellschaftlicher Praxis. Auseinandersetzungen mit der Marxschen Theorie nach dem Zusammenbruch des Realsozialismus. ISBN 3-8260-1011-6.
  • Hartmut Elsenhans: Aufstieg und Niedergang des realen Sozialismus. Einige politökonomische Anmerkungen. In: COMPARATIV. Leipziger Beiträge zur Universalgeschichte und vergleichenden Gesellschaftsforschung, Universitätsverlag Leipzig, Heft 1 (1998), S. 122–132.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Klaus Ziemer, Real existierender Sozialismus, in: Dieter Nohlen (Hrsg.): Lexikon der Politik, Bd. 7, directmedia, Berlin 2004, S. 535 f.
Dä Artikel basiert uff ere fräie Übersetzig vum Artikel „Realsozialismus“ vu de dütsche Wikipedia. E Liste vu de Autore un Versione isch do z finde.