Ravi Shankar

Us der alemannische Wikipedia, der freie Dialäkt-Enzyklopedy
Dr Shankar im Merz 2009 z Delhi

Dr Ravi Shankar (Bengalisch: রবি শংকর; Rabi Śaṃkar; * 7. April 1920 z Varanasi; † 11. Dezämber 2012 z San Diego; bürgerlige Naame Robindro Shaunkor Chowdhury) isch en indische Musiker und Komponist gsi, wo uf em Zupfinstrumänt Sitar gspiilt het.[1] Dr Hans Neuhoff het en in Die Musik in Geschichte und Gegenwart as dr bekanntist zitgenössisch indisch Musiker bezäichnet.[2]

Lääbe und Wärk[ändere | Quälltäxt bearbeite]

Dr Shankar isch in sinere Jugend in dr Danzgrubbe vo sim Brueder Uday Shankar in Europa und Indie uf Tuur gange. 1938 het er ufghöört mit Danze und het under em Hoofmusiker Allauddin Khan aagfange, d Sitar leere. 1944 isch er mit dr Leer fertig gsi und denn het er as Komponist afo schaffe. Er het zum Bischbil d Muusig für d Apu-Trilogii vom Satyajit Ray gschriibe. Vo 1949 bis 1956 het er as Muusigdiräkter vom All India Radio Neu-Delhi gschafft.

Im Joor 1956 het er aagfange, Konzärtturneä in Öiropa und Amerika z mache und s Aasee vo dr klassische indische Muusig isch in de 1960er Jooren dur Leere, Ufdritt und Kontakt zum Violinist Yehudi Menuhin und zum George Harrison vo de Beatles gwaggse. Dr Shankar het sich mit dr westlige Muusig abgee und het Instrumentalkonzärt für Sitar und Orchester gschriibe. In de 1970er und 1980er Joor isch er uf Turnee in dr ganze Wält gsii. Er isch bis churz vor sim Dood ufdräte, vilmol mit sinere Dochder Anoushka.

Uszäichnige[ändere | Quälltäxt bearbeite]

Vo 1986 bis 1992 isch er zum Mitgliid vom Rajya Sabha, em Oberhuus vom indische Parlamänt, ernennt worde. Dr Shankar isch 1999 mit em höggste zivile Orde vo Indie, em Bharat Ratna, uszäichnet worde, und er het drei Grammy Awards überchoo.

Bibliografii[ändere | Quälltäxt bearbeite]

  • Ravi Shankar: My Music, My Life. Hrsg.: Simon & Schuster. 1968, ISBN 0-671-20113-1.
  • Ravi Shankar: Learning Indian Music: A Systematic Approach. Hrsg.: Onomatopoeia. 1979, OCLC 21376688.
  • Ravi Shankar: Raga Mala: The Autobiography of Ravi Shankar. Hrsg.: Genesis Publications. 1997, ISBN 0-904351-46-7.

Weblingg[ändere | Quälltäxt bearbeite]

 Commons: Ravi Shankar – Sammlig vo Multimediadateie

Noowiis[ändere | Quälltäxt bearbeite]

Abchürzig Dr voll Diddel
Brockhaus Brockhaus Enzyklopädie, 19. Ed., Band 20, F. A. Brockhaus GmbH 1993, ISBN 3765311200
Ghosh, Shankars Ghosh Dibyendu: The Great Shankars. Hrsg.: Agee Prakashani. Dezember 1983, OCLC 15483971.
Lavezzoli, Dawn Peter Lavezzoli: The Dawn of Indian Music in the West. Continuum International Publishing Group 2006, ISBN 0826418155
Massey, India Music Reginald Massey: The Music of India. Abhinav Publications 1996, ISBN 8170173329
Menon, New Grove Narayana Menon: Stanley Sadie The New Grove Dictionary of Music and Musicians, 1. Ed., Band 17, London: Macmillan 1995, ISBN 1561591742
Neuhoff, Geschichte Hans Neuhoff: Ludwig Finscher Die Musik in Geschichte und Gegenwart: allgemeine Enzyklopädie der Musik, 2. Ed., Band 15, Bärenreiter 2006, ISBN 3761811225
Schaffner, Liverpool Nicholas Schaffner: The Boys from Liverpool: John, Paul, George, Ringo. Taylor and Francis 1980, ISBN 0416306616
Sharma, Famous Indians Vishwamitra Sharma: Famous Indians of the 20th Century. Pustak Mahal 2007, ISBN 8122308295
Slawek, New Grove Stephen Slawek: Stanley Sadie The New Grove Dictionary of Music and Musicians, 2. Ed., Band 23, London: Macmillan 2001, ISBN 0333608003
  1. http://www.welt.de/newsticker/news2/article111960027/TV-Indische-Sitar-Legende-Ravi-Shankar-ist-tot.html
  2. Neuhoff, Geschichte, S. 672–673
Dä Artikel basiert uff ere fräie Übersetzig vum Artikel „Ravi_Shankar“ vu de dütsche Wikipedia. E Liste vu de Autore un Versione isch do z finde.