Puschtschino

Us der alemannische Wikipedia, der freie Dialäkt-Enzyklopedy
Dialäkt: Schwäbisch

Puschtschino (russisch Пу́щино) isch ą Stadt mit 20.332 Aiwohnęr (Stand vom 14. Oktober 2010[1]) en Russland en dęr Oblast Moskau, etwa 120 km siedlich vó Moskau.

Erdkonde[ändere | Quälltäxt bearbeite]

Rest vó annąmą altą Landgút en Puschtschino

Puschtschino ligt am Fluss Oka ond wird vor älląm em Sommęr vó viele Moskauęr bsuącht, wó de ihrige Wochąendgrondstickęr nutzą deąn odęr en ihre Wohnongą ą Rickzúgsméglichkeit aus dęr Großstadt fennąt. D'relativ saubęre Luft ond d'arg grénge Kriminalitätsráte steigrąt d'Attraktivität vó derrą Stadt ond fiąhrąt en jéngstęr Zeit ao z'annąręr verstärktą Bautätigkait.

D'nägste Gróßstadt isch Serpuchow; sui isch ógfähr 28 km vó Puschtschino weg.

Gschicht[ändere | Quälltäxt bearbeite]

Panorámabild vó annąmą Wohngebiet

Puschtschino isch 1964 mit ąm Bau vó annąmą Radioteleskóp grendt wordą. D'Aiwohnęr vó dęr „Wissąschaftsstadt“ sen z'ógfähr annąmą Virtel Wissąschaftlęr. Nebą andere Grondlágongsforschongsinstitúte, wie zom Beispiel zur Mikrobiologie, isch ao ą bódąkondlichs Institut vęrtrettą. Mehręre Forschongsairichtonga en Puschtschino ghérąt zęr Russischą Akademie vó de Wissąschaftą. Ufgrond vó dęr relativ jongą Gschicht vó Puschtschino, sen de maiste Heisęr Plattąbauteną.

Vęrkéhr[ändere | Quälltäxt bearbeite]

Dęr éffątliche Pęrsónąvęrkéhr wird ausschließlich vó Omnibuslínią ond Sammeltaxí durchgfiąhrt. S'gibt en Busbåhóf, wó vó älle Bus bedéąnt wird. Ą paar Mål am Tág gibt's Vęrbendongą noch Serpuchow ond Moskau, wó's Åschluss an andęre Bus, Zieg odęr Stråßąbåną gibt. D'Moskauęr Rengautóbå MKAD isch etwa 80 km vó Puschtschino weg, ebąfalls gibt's ą Uffahrt zur Fernautóbå „Krim“.

Weitęrfiąhrąde Bildongsairichtongą[ändere | Quälltäxt bearbeite]

  • Staatliche Universität Puschtschino

Filialeną vó dęr РАН (Russische Akademie der Wissenschaften)

  • Institút fir Aiweißforschong (ИБ РАН)
  • Institút fir Zellbiophysik (ИБК РАН)
  • Institút fir Biochemie ond Physiologie vó Mikroorganismą "G. K. Skrjabin" (ИБФМ РАН)
  • Institút fir Grondproblém vó dęr Biologie (ИМПБ РАН)
  • Institút fir fondamentále Problém vó dęr Biologie (ИФПБ РАН)
  • Institút fir physikalisch-chemische ond biologische Problém vó dęr Bódąkonde (ИФХиБПП РАН)
  • Institút fir Theorétische ond Experimentelle Biophysik (ИТЭБ РАН)
  • Niedęrlassong vom Institút fir Bioorganische Chemie „M. Sch. Schemjakin“ ond „Yu. A. Owtschinnikow“

Séhn ond Téchtęr vó dęr Stadt[ändere | Quälltäxt bearbeite]

  • Konstantin Walerjewitsch Malofejew, Oligarch
  • Juri Anatoljewitsch Owtschinnikow, Wissąschaftlęr ond Mitglied vó dęr Akademii vo de Wüsseschafte vo de UdSSR

Weblink[ändere | Quälltäxt bearbeite]

 Commons: Puschtschino – Sammlig vo Multimediadateie

Aizelnåchweis[ändere | Quälltäxt bearbeite]

  1. Itogi Vserossijskoj perepisi naselenija 2010 goda.