Ammediisli

Us der alemannische Wikipedia, der freie Dialäkt-Enzyklopedy
Verschiideni Ammediisli

Ammediisli (vo frz. manche en amadi)[1] si e Chläidigsstück, wo d Hand zum e Däil zuedeggt und vilmol uf em Handrugge im ene Spitz ändet. D Finger blibe frei, dr Handrugge und s Handglängg si zuedeggt. Ammediisli wärde vilmol zum Schutz gege d Chelti aazooge, wemm mä d Finger will frei bhalte, oder as Aggsessuar in dr Brut- und Oobemoode verwändet und denn si si us düürem Stoff gmacht. Mänggisch het s e Lätsch am Spitz uf em Handrugge, wo mä dr Middelfinger drii steggt.

Dr Ursprung vom Ammediisli lit in dr burgundische und gotische Daamemoode. Im Lauf vo dr Zit het mä d Ermel mit iire Spitz, wo tüpisch für d Moode zu sällere Zit gsi si, separat as Ammediisli afo aazie.

Weblingg[ändere | Quälltäxt bearbeite]

Kwelle[ändere | Quälltäxt bearbeite]

  1. Neues Baseldeutsch Wörterbuch, Christoph Merian Verlag Basel, 2001
Dä Artikel basiert uff ere fräie Übersetzig vum Artikel „Pulswärmer“ vu de dütsche Wikipedia. E Liste vu de Autore un Versione isch do z finde.