S Prytaneion vo Athen

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
D Räst vo dr Tholos vo Athen

S Prytaneion vo Athen isch dr Sitz vo de Athener Prytane gsi, wo d Regierigsgschäft vo dr Polis gfüert häi, und het sich in dr Tholos vo Athen befunde. Noch de Reforme vom Kleisthenes 508/507 v. d. Z. häi jeedes Mol 50 Rootsmitgliider von ere Phyle für 35 oder 36 Dääg as Prytane fungiert, und Daag und Nacht het von ene e Driddel müesse aawääsend si. Si häi in dere Zit in dr Tholos gschloofe und gässe.

D Tholos isch e runde Tämpel gsi und isch an dr Südwestsite vo dr Agora vo Athen gstande. Mä vermuetet, ass si zwüsche 470 und 460 v. d. Z. uf de Drümmer vom ene eltere Geböid baut worde isch, wo d Perser 480 v. d. Z. zerstöört häi und villicht au e Prytaneion gsi isch.

Im Joor 86 v. d. Z. het dr Sulla d Athener Tholos zerstöört. Under em Augustus isch si wider ufbaut worde. S Geböid isch bis um 450 n. d. Z. brucht worde.