Französischè Präfèkt

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen


Dè Präfèkt Michel Morin in Uniform mit Ordè


D Präfèkturè vo Frankrych

Präfèkt (französisch préfet) isch in Frankrych dè Vodrètter vom Zentralschtaat uff dè Ebeni vo dè Département. Er drait militärischi Uniform un hèt èn militärischè Rang.

Dè Begriff stammt vom latinischè praefectus, vo praeficere „vorsetzè“ un isch im allgmeinè Wortsinn èn Vorschteher odder Vorgsetztè.

Fungtion vom Präfèkt[ändere | Quälltäxt bearbeite]

D Fungtion von èm französischè Präfèkt gòt uff d Zit vom Napoleon zrugg. Bis 1982 isch dè Präfèkt au dè högschte Vowaltigsbeamte von èm Département gsi. Sit dè Dezentralisyrungsgsetz vo 1982, wo uss dè vormòligè schlichtè Vowaltungsunterglyderung Département un Gmeind vollwèrtigi Gebiètskörperschaftè mit eignem Wǜrkungsberych gmacht hèt, wörd d Vowaltung vo dè Département vum gwäälte Präsidènt vom Generalrõt gleitet.

Dè Präfekt isch allerdings witterhy Vodrètter vom französischè Staat im Département un wörd dõher au hüt no vom Staatspräsidènt bschtimmt. Als Leiter vo dè gsamtè dekonzentryrtè Staatsvowaltig im Département unterstòt ym èn Mitarbeiterschtab vo bis zuè dausend Personè, dennè iri Uffgabè z. B. i dè Erschtellung vo Füürerschii, Reisepäss, Chraftfaarzüügzuèlassungè etc. bschtòt; als Repräsentant vom Zentralstaat chömmèd ym bsunders witreichendi Polizeibefugnis zuè (Chef vo dè Brigadè vo dè paramilidärischè Gendarmerie nationale, wo im Voteidigungsminischterium unterschtôn, sowiè vo dè Police nationale sowiè vo dènnè irè Glyderungè, wo im Département stationyrt sin und im Innèminischterium unterschtôn: dè Breitschaftsbolizei CRS un dè Kriminalbolizei Police judiciaire, wo im Bfeel vom Magischtrat unterschtòt). Fèrner cha-ner d Unterschtützung vom Inlandsgheimdiènscht DCRI aafordèrè. I sèllèm Zämmèhang koordinyrt dè Präfèkt diè städtischè un kommunalè Bolizeichräft i sim Département, wo im jewyligè Bürgermeischter unterschtôn. Zuèdèm oblyt im Präfèkt d Kommunaluffsicht, wo s wèg Dezentralisyrung bruucht hèt. Er hèt au Befugnis i dè Entwicklungsblaanung.

Sous-préfet un Préfet de région[ändere | Quälltäxt bearbeite]

D Leitung vom Arrondissement wörd vom Unterpräfèkt (französisch sous-préfet) erledigt, wo sin Sitz i dè Unterpräfèktur (französisch sous-préfecture) hèt. D Vowaltung vom Arrondissement, wo au dè Hauptort vom Département lyt, wörd in Personalunion vom Präfèkt vom Département (also ohni eignè Unterpräfèkt) gleitet.

A sèbbè Ort, wo zglych Präfèktur, also Hauptort von èrè Region sin, vodritt dè Präfèkt als Regionalpräfèkt (französisch préfet de région) au d Intressè vom Staat gegèübber dè Organ vo dè Region.

Rächte un Pflichtè[ändere | Quälltäxt bearbeite]

Als Vodrètter vom Staat un uusfüürendes Organ vo dè Bolitik wörd vom Präfèkt absoluti Loyalität gegèübber dè Zentralregyrig z Paris gforderèt. Sèll erklärt, wõrum nu treui Gschpônli vom jewyligè Staatsbräsident vo sèllèm uff vakanti Präfèkturè bruèfè worrè sin.

Dè Präfèktè stôn è Diènschtwohnung (i dè Präfèktur) un èn Diènschtwagè zur Vofüègig. Si dürfèd yr Département nu mit Geneemigung vom Staatsbräsident volõ, well si in Not- odder Katastrophèfäll mit dè Koordination un Leitung vo allnè Sicherheits- un Rettungsdiènscht beuffdrait wörrèd.


Information icon.svg Dä Artikel basiert uff ere fräie Übersetzig vum Artikel „Präfekt_(Frankreich)“ vu de dütsche Wikipedia.

E Liste vu de Autore un Versione isch do z finde.