Poker

Us der alemannische Wikipedia, der freie Dialäkt-Enzyklopedy
Poker
Daten
Art Karteschpil
Kommerz. Freys Schpil
Johr unklar
Schpiler 2 bis 10
Alda ubegrenzt
Douer ubegrenzt

Poker isch e Karteschpil, wu mit em 52er franzeesischim Blatt gschpilt wird. S kinne 2 bis 10 Schpiler mitschpile.

Grundsätzliger Ablauf[ändere | Quälltäxt bearbeite]

Bi me Pokerschpil wechselt sich s Tusche vun de Karte mit Wettrunde ab. D Onzahl vun dr Wettrunde hangt vun dr gschpilte Variante un de Onzohl vun dr jewyls verteilte Karta ab. E mänkmol werre au Karte uffig un/oder fir alli Schpiler gmeinsam usteilt. Gwinner isch derjenigi Schpiler, wu im Showdown di beschte Karte zeigt, oder wu als einzige nit usstygt. In däm Fall muess derjenige syni Karte nit vorzeige, mer brucht en Bluff also nit zuezgebe.

Wettrunde[ändere | Quälltäxt bearbeite]

E Pokerschpil bschteht us mindeschtens zwo Wettrunde. Zwische de Wettrunde kinne d Karte (verdeckt) tuscht werde. E Wettrund wird durich de Schpiler links vum Geber agfange. Er konn entweder en Ynsatz (Geld, Jetons, ...) setze, wu abhängig vo dr Hechi vum veriibarte Limit isch, warte (au schiebe oder checke gnannt, d. h. ke Betrag setze) oder passe (d. h. us em Schpil usstyge). Di folgendi Schpiler hän d Wahl, de bote Betrag z holte, z erhechere oder z passe. Falls ei oder mehreri Schpiler de Ynsatz erhecheret hän, wird d Wettrund solong fortgsetzt, bis alli Schpiler de Betrag gholte hän oder us em Schpil usgstige sin.

Je noch veriibarte Limits kinne d Hechi un d Onzahl vun dr Erhechige je Wettrund bschränkt sy.

Limits[ändere | Quälltäxt bearbeite]

Es geht verschedeni Limit-Strukture, wo d Setzmüglechkeite ischränke.

Limit: Mer chan immer nur en bestimmte Betrag setzä, und um de glich Betrag erhöhe. Hüüfig wird esch de Betrag i spötere Wettrendi verdoppelt. Be Holdem send Wettrundi vo Turn und River s Doppelte vo Preflop und Flop.

Flat Limit: Isch s'gliche wie Limit, nur dass de Betrag, wo me cha setze und erhöhe i jedere Wettrundi glich bliebt. Werd sälte bruucht.

Limit und Flat Limit wird hüüfig met emene Cap g'spelt. Das heisst, es get es maximum a Erhöhige, wo inere Spielrundi erlaubt send. Be Holdem Variante sind das i de Regel vier: Bet, Raise, Re-Raise, Cap. Zum Teil werd die Regel ned agwändet, wenn d'Hand Heads-Up esch, das heist, wenn nur no zwöi Spiiler i de Hand beteiligt send.

Spread Limit: Es geht en vorschribni Minimal- und Maximalisätz. Wird hauptsächlech i private Spiil verwändet, sälte i Casinos.

Pot Limit: Es darf höchschtens soviel gsetzt wärde wie bereits im Pot isch, plus de Betrag wo me müesstie zahle zum holte.

Half Pot Limit: Es darf höchschtens halb soviil gsetzt wärde wie bereits im Pot isch, plus de Betrag wo me müesstie zahle zum holte.

No Limit: Es giit kei Beschränkige.

Unabhängig vo de Wettstrukture giit's no en Regel, vo fascht immer agwändet werd: Table Stakes. Das heisst, mer darf immer nur so viil setze, wie me vor sech het. So chame verhindere das öpper me setzt, als er tatsächlich het.

Showdown[ändere | Quälltäxt bearbeite]

Noch dr letchte Wettrund fangt dr Showdown aa. Dr Schpiler, wu in dr letchte Wettrund de Iisatz agfange het oder zletcht erhecheret het, muess syne Hand (syne Kombination) vorzeige. Alli im Schpil verblibene Schpiler kinne jetz nochenander ihri Gwinnberechtigung nochwyse un ebefalls ihri Karte ufdecke. Dr Schpiler mit dr hegschte Hand gwinnt un kriegt de Pott. Im Fall vun glych hoche Kombinatione wird dr Pott unter de Gwinner ufteilt. Di hegscht Schpilkarte uf dr Hand entscheidet aber bi de meischt Variante mit, falls e glych hochi Kombination vorlit.

Kombinationsmegligkeite[ändere | Quälltäxt bearbeite]

Nome Beditung Biischpil Megligkeite Wahrschynligkeit(*) bi glyche Werte entscheidet ...
Heechsti Korte (High Card) ke Kombination 1.302.540 50,12% Wert vo dr hegschte Karte entscheidet, bei Glychheit vun ene di Zwothegscht, deno d Dritthegscht usw.
Paar/Zwilling (One Pair) 2 Karte mit glychem Wert 10♣ 10♥ 1.098.240 42,26% s hegscht Paar, by Glychheit de Wert vun dr ibrige Karte
Zwei Paar (Two Pairs) 2 Paare J♦ J♠ 8♣ 8♠ 123.552 4,75% hecheres Paar, bi Glychheit vune ene s kleiner Paar un letschtendlig d' Biikarte
Drilling (Three Of A Kind) 3 Karte mit glychem Wert Q♣ Q♥ Q♠ 54.912 2,11% hegschter Drilling
Schdroß (Straight) 5 Koate in eire Reihe (nit glychi Farb) J♠ 10♦ 9♥ 8♣ 7♥ 10.200 0,39% Endkarte
Flush 5 Karte in eire Farb 7♠ Q♠ 10♠ K♠ A♠ 5.108 (**) 0,20% Wert vun dr hegschte Karte, bi Glychheit vun ene d Zwothegscht, Dritthegscht usw.
Full House e Drilling un e Paar K♣ K♠ K♦ 9♥ 9♣ 3.744 0,14% Drilling
Poker/Vierling (Four Of A Kind) 4 Karte mit glychem Wert 7♥ 7♦ 7♠ 7♣ 624 0,023% Wert vum Poker
Straight Flush e Schdroß in eire Farb Q♣ J♣ 10♣ 9♣ 8♣ 36 (***) 0,0014% Wert vun dr Endkarte
Royal Flush e Schdroß in eire Farb bis As (dr Royal Flush isch also dr hegscht Straight Flush) A♥ K♥ Q♥ J♥ 10♥ 4 0,00015% Kombinatione werre als glych hoch erachtet

(*) Di ongebe Wahrschynligkeit gilt fir di ongebe Hand, un gilt fir di erschte 5 Karte vun eme Schpiler, losst also de Tuschaschpekt dusse. (**) Wil Straight Flush bzw. Royal Flush extra gwertet werre, git s nur 5.108 statt 5.148 megligi Flushes. (***) Will dr hegscht Straight Flush extra als Royal Flush gwertet wird, git s nur 36 statt 40 megligi Straight Flushes.

Bi re Schdroß derf s As entweder als As oder als 1 gelte. D Kartekombination 5432A isch also au e Stroß, aber 432AK ols au 32AKQ sin ke Stroße.

Wenn eber ke gueti Kombination het, konn er durich syn Setzverhalte e guets Blatt vortejsche (bluffe), dass d Mitschpiler usstyge un er de Pott kriegt.

Etymologii[ändere | Quälltäxt bearbeite]

Vun wu d Bezeichnung Poker schtommt, isch nit sicher klärt, aber s het sich wahrschyns vum franz. Wort poque, em Karteschpil, wo z New Orleans entwickelt worre isch, abgleitet. Im dytsche Sprochruum git s e Kartespoil, wu mit em Poker verwandt isch: Pochen oder Poch.

Variatione[ändere | Quälltäxt bearbeite]

  • Draw
    • Five-card draw (klassischs Poker)
  • Stud
    • Seven-card stud
    • Five-card stud
  • Hold’em
    • Texas Hold’em
    • Omaha Hold’em
  • Poker Joker (mit 3 Jokern)
  • Chinesisches Poker (Tichu/Russisches Poker)
  • Chicago
  • Strip-Poker
  • Royal Poker ('s werde nur d' Korte 10 bisch As bnutzt)

Weblink[ändere | Quälltäxt bearbeite]