Platonismus

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Platonismus und Platoniker (Aahänger vom Platonismus) sin Begriff, wo in verschiidene Bedütige verwändet wärde. Im ängere Sinn, wo sterker gschichtlig brägt isch, verstoot mä under Platonismus d Leer vom antike griechische Filosoof Platon und under Platoniker die antike Filosoofe, wo sich zu däm sinere Leer bekennt häi. Im erwiterete Sinn bezäichnet mä as Platoniker au middelalterligi und nöizitligi Filosoofe, wo nume äinzelni wääsentligi Elimänt vom Platon sinere Leer übernoo häi bzw. äinzelni Überzüügige mit em Platon gmäinsam gha häi. Im witiste, räin süstematische Sinn wird dr Begriff Platonismus hüte für alli filosofische Leere verwändet, won en bestimmts Kärnmerggmol mit em Platon sinere Filosofii gmäinsam häi, au wenn si sunst ganz andersch si. Das Merggmol wird underschiidlig definiert und gältet denn je noch dr Definizion as konstitutiv für e Platonismus.

As Platoniker wärde nit nume Fachfilosoofe bezäichnet, sondern au Dichder, Theolooge und anderi Intellektuelli, wo d Wältaaschauig von ene im Wäsentlige mit de Konzept vom Platonismus überiistimmt.

Information icon.svg Dä Artikel basiert uff ere fräie Übersetzig vum Artikel „Platonismus“ vu de dütsche Wikipedia.

E Liste vu de Autore un Versione isch do z finde.