Planche des Belles Filles
| Planche des Belles Filles | ||
|---|---|---|
 | ||
| Hechi | 1.148 m | |
| Lag | Haute-Saône, Frankriich | |
| Gebirg | Vogesen | |
| Geografischi Lag | 47° 46′ 2″ N, 6° 46′ 27″ O | |
| ||
D Planche des Belles Filles (dütsch Brätt vo de schöne Mäitli) isch e Bärg in Frankriich. Er isch bewaldet und 1.148 m hooch. Er lit in de Vogese im Département Haute-Saône, uf em Gebiet vo dr Gmäind Plancher-les-Mines; d Gränze zum Territoire de Belfort lit östlig vom Gipfel.
Vo wo dr Naame chunnt[ändere | Quälltäxt bearbeite]
E Legände verzelt, ass dr Bärg si Naame in dr Zit vom Drissigjöörige Chrieg überchoo het. D Mäitli und die junge Fraue vo Plancher-les Mines sige in d Bärg gflüchdet, zum sich vor de grausaame schwedische Söldner z verstecke. D Schwede häige sä iigholt und und d Mäitli häige Angst ghaa, ass si sä wurde vergwaltige und umbringe. Dorum häige si lieber Sälbstmord begange und sige vom ene Brätt in e Däich wit unde aabe gumpt.[1] E lokale Künstler het e Statue us Holz zur Erinnerig gmacht und ufgstellt.[2]
Sport[ändere | Quälltäxt bearbeite]
Bim Gipfel befindet sich s äinzige Wintersportgebiet vom Departemänt Haute-Saône. Es umfasst drei Schilift uf ere Hööchi vo 950 bis 1148 Meter und vier Piste, wo zimlig bis seer schwiirig si. Es git Wanderwääg zum Ballon d’Alsace und uf Lepuix, Auxelles-Haut, Giromagny und Plancher-les-Mines. Es het dört e Bärgrestorant.
Jede Juni chunnt s 200 km lange Welorenne Les Trois Ballons uf dr Planche des Belles Filles an s Ziil.[3] Au d Tour de France chunnt mänggisch uf e Bärg, so 2012, 2014, 2017 und 2019.[4] [5]
Weblingg[ändere | Quälltäxt bearbeite]
- Website Planche des Belles Filles (französisch)
- Turistische Informazione (französisch)
Fuessnoote[ändere | Quälltäxt bearbeite]
- ↑ Légende de la planche des belles filles. Destination 70, abgruefen am 6. Juli 2012 (französisch). (Site cha nüme abgrüeft wärde; Suche im Webarchiv)
- ↑ Sculpture de Jacques Pissenem. Bleuet Vert, archiviert vom Original am 3. Dezember 2013; abgruefen am 6. Juli 2012 (französisch).
- ↑ Les Trois Ballons. sportcommunication.info, 2012, archiviert vom Original am 12. Mai 2012; abgruefen am 6. Juli 2012 (französisch).
- ↑ Étape 7 - Tomblaine → La Planche des Belles Filles. Tour de France, archiviert vom Original am 1. Juli 2012; abgruefen am 7. Juli 2012 (französisch).
- ↑ Mulhouse / La Planche des Belles Filles (Memento vom 25. Juli 2014 im Internet Archive) Bi: letour.com abgrüeft am 7. Juli 2014
|
Dä Artikel basiert uff ere fräie Übersetzig vum Artikel „Planche_des_Belles_Filles“ vu de dütsche Wikipedia. E Liste vu de Autore un Versione isch do z finde. |