Philip Maloney

Us der alemannische Wikipedia, der freie Dialäkt-Enzyklopedy

"Die haarsträubenden Fälle des Philip Maloney" isch e Höörspiilserie vom Roger Graf, wo jede Sunntigmorge noch em Elfi uf Radio SRF 3 uusgstrahlt wird.

Entstehig[ändere | Quälltäxt bearbeite]

Agfange hets demit, das de Roger Graf vo DRS 3 (hüt Radio SRF 3) beuftragt worde isch, für s Sunntigmorgeprogramm chlini Sketchs z schribe, er het denn aber mehrteiligi Churzhöörschpiil gmacht, drunter ebe au de Philip Maloney. De isch bald zum Publikumsliebling worde und het denn de Sendeplatz am Sunntigmorge für sich elei i Aspruch gno. De ersti Fall vom Philip Maloney isch "Die kleine Schwester" gsi und am 8. Januar 1989 uusgstrahlt worde. Es git au scho mehreri Philip- Maloney- Büecher.

D Hauptperson[ändere | Quälltäxt bearbeite]

D Hauptperson isch logischerwiis de Philip Maloney, wo vom Michael Schacht gsproche wird. Er isch en Privatdedektiv mit finanzielle Problem. Er wohnt i sim Büro und schloft döt unterem Schriibtisch, wil er sich kei eigeni Wohnig cha leiste. Er trinkt (hauptsächlich Whiskey) und raucht. Sini Fäll laufed immer nochem gliiche Muster ab: Er isch grad im Büro am rauche, trinke oder sich vom Kater am erhole und wird debi vonere hübsche Frau oder vomene Maa im Aazug gstört. Alli brichted zersch vo ihrem Problem, und nochdem er denn gnueg blödi Sprüch drüber gmacht her, loot er sich denn gege en Voorschuss dezue bewege, dere Sach noo z go. Sini Kliente sind fascht immer Lüüt mit viel Geld, das hends au nötig, de Tagessatz bi ihm betreit 500 Franke plus Spesen. I praktisch jedem Fall stosst er denn uf e Liich, und det begegnet er denn am Polizist Hugetobler (Jodoc Seidel), sim Erzfind.

Typischi dummi Schprüch vom Maloney und em Polizist[ändere | Quälltäxt bearbeite]

Maloney[ändere | Quälltäxt bearbeite]

  • "Donnerwetter!"
  • "Das ist ja übel."
  • "So geht das!"
  • "Ich tat, was ich in dieser Situation immer tue: "
    • "Abhauen."
    • "Weitertrinken."
    • "Das Hemd zuknöpfen."
    • "mich übergeben."
    • "mich verkrümeln."
    • "Nichts.

Polizist[ändere | Quälltäxt bearbeite]

  • "Üble Sache, Maloney."
  • "Die Welt ist aus den Fugen, Maloney."
  • "Na Maloney, ist ihnen wieder eine Leiche über den Weg gelaufen?"
  • "Ich habe kürzlich ein Buch gelesen, und darin stand, dass..."

Links[ändere | Quälltäxt bearbeite]