Philharmonischs Orcheschter Fryburg

Us der alemannische Wikipedia, der freie Dialäkt-Enzyklopedy
Dr David Afkham dirigiert s Orchester am ZMF 2016

S Philharmonisch Orcheschter Fryburg isch e dytsch Sinfoniorcheschter us dr Stadt Fryburg. S spiilt im Konzärthuus Fryburg unter anderem Sinfonikunzärt un s Neijoorskunzärt, bi Ooperevoostellige spiilt s im Stadttheater Fryburg.

Gschicht[ändere | Quälltäxt bearbeite]

S Philharmonische Orcheschter Fryburg isch anne 1887 grindet woore un syt däre Zyt mit scho mit Chinschtler*ne wie dr Clara Schumann un em Richard Strauss zämegschafft. Scho voorhäär het s dr vum Hermann Dimmler 1877 grindet Philharmonisch Verain gee, wu bekannti Muusiker un Kumpenischte wie dr Eugen d’Albert un dr Franz Liszt uf Ryburg ghoolt het. Syter 1867 het s dr Poschte vum stedtische Kapällmaischter gee, wu s Theaterorcheschter uf Militeermuusiker un Laie glaitet ghaa het. Zum Zytpunkt vu dr Grindig vum Orcheschter het dr Kapällmaischter Giesecker s Ensemble glaitet. Dr eerscht Ufdritt vum neie Philharmonische Orcheschter isch am 4. Oktober 1887 unter Laitig vum Kapällmaischter Wilhelm Bruch gsii. Zum Brogramm hän unter anderem em Wagner sy Tannhäuser-Ouvertüre, Stuck us dr Oopere „König Manfred“ vum Karl Reinecke un di 2. Rhapsodi vum Franz Liszt gheert. Vu 1890 bis 1919 isch s Orcheschter vum Gustav Starke glaitet woore, mit em Schwäärpunkt uf Oopere.

Anne 1910 isch dr Theaterböu ufgmacht un s Ensemble uf 60 Mitgliider uusgwytet woore. Noch em Eerschte Wältchrieg isch d Aarbet vum Camillo Hildebrand fuurtgsetzt woore. Anne 1924 isch dr Max Krüger dr nei Intendant woore un är het dr Ewald Lindemann (1924–1929) as eerschte Generaalmusikdiräkter (GMD) vum Orcheschter ghoolt. Är isch 1929 vum Hugo Balzer abgleest woore, wu 1933 Franz Konwitschny noogfolgt isch. Wu Franz Konwitschny 1938 Fryburg verloo het, isch dr Bruno Vondenhoff chuu. Ab 1945 het dr Wilhelm Schleunig d Laitig ghaa, wu 1951 vum Heinz Dressel abgleest wooren isch. Dr Hans Gierster het 1956 d Laitig ibernuu. No im isch 1966 dr Leopold Hager chuu un 1969 dr Thomas Ungar. Di chinschtlerisch Laitig vum Orcheschter un dr Oopere hän derno die Dirigänte (GMD) ghaa: Marek Janowski (1973–1975), Klauspeter Seibel (1975–1978), Klaus Weise (1978–1981), Ádám Fischer (1981–1983), Eberhard Kloke(1983–1989), Donald Runnicles (1989–1993), Johannes Fritzsch (1993–2000), Kwamé Ryan (2000–2003), Karen Kamensek (2003–2006), Patrik Ringborg un Gerhard Markson. Syter anne 008 isch der franzeesisch Dirigänt Fabrice Bollon Generaalmusikdiräkter.

Dradizionäll bstoot s Repertoire us Oopere un Kunzärt us ere uusgwoogene Mischig zwische Klassik un Modäärni. S Philharmonisch Orcheschter Fryburg engaschiert si au scho syt langem in dr Chinder- un Juugedaarbet.

Weblink[ändere | Quälltäxt bearbeite]

 Commons: Philharmonischs Orcheschter Fryburg – Sammlig vo Multimediadateie
Information icon.svg Dä Artikel basiert uff ere fräie Übersetzig vu dere Version vum Artikel „Philharmonisches_Orchester_Freiburg“ vu de dütsche Wikipedia. E Liste vu de Autore un Versione isch do z finde.