Fidias

Dr Fidias (altgriech. Φειδίας, Pheidias, * um 500 v. d. Z. z Athen; † um 432 v. d. Z. z Athen) isch en antike griechische Bildhauer und Toreut gsi. Sini bekanntiste Wärk si die 12 Meter hoochi Zeusstatue z Olympia, wo zu de Siibe Wältwunder vo dr Antike ghört het, und d Athena Parthenos z Athen.

Über s Lääbe vom Fidias, wo as dr grösst Bildhauer in dr Antike gältet, isch seer wenig bekannt. Er isch um 500 v. d. Z. z Athen uf d Wält cho, het en Usbildig gmacht bi de Bildhauer Hegias und Ageladas vo Argos, wo au Leerer vom Myron und vom Polyklet söll gsi si. Er het Bildhauerei in Stäi und Bronse gleert. [Spööter het er nöiji Verfaare entwigglet zum in sine Bildwärk die verschiidenste Materialie wie Marmor, Bronse, Glaasfluss, Gold und Elfebäi zum ene Ansambel chönne z veräinige. Dr Plutarch brichdet, ass dr Fidias as Fründ vom Perikles sich um d Arbäite uf dr Akropolis kümmeret het.

Wichdigi Wärk

D Athena in Pellene (öbbe 465 v. d. Z.)
Die 10 Füüleheroe z Delfi
D Athena Areia in Platää
D Athena Promachos in Athen (öbbe 460-450 v. d. Z.)
D Athena Parthenos in Athen
D Athena Lemnia in Athen (öbbe 450 v. d. Z.)
D Die Zeusstatue vo Olympia
S Amazonemonumänt im Artemistämpel z Ephesos (öbbe 430 v. d. Z.)
D Aphrodite Urania in Elis bi Olympia (öbbe 430 v. d. Z.)
Dr Apollon Parnopios z Athen

Litratuur

Hans Schrader: Phidias. Frankfurt am Main 1924.
Ernst Buschor: Phidias der Mensch. Münche 1948.
Christoph Höcker, Lambert Schneider: Phidias (= Rowohlt-Monographie. Nr. 505). Rowohlt, Reinbek 1993.
Volker Michael Strocka: Pheidias (I). In: Künstlerlexikon der Antike. Band 2, Münche/Leipzig 2004, S. 210–236.
Clair Cullen Davison: Pheidias. The Sculptures & Ancient Sources (= Bulletin of the Institute of Classical Studies. Supplement 105). 3 Bände. Institute of Classical Studies, University of London, London 2009, ISBN 978-1-905670-21-5; ISBN 978-1-905670-22-2; ISBN 978-1-905670-23-9.

Weblingg

Commons: Phidias – Sammlig vo Multimediadateie