Peter Boschung

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Peter Boschung (* 29. Dezember 1912 z Schmitte; † 19. Jänner 1999 z Flamatt) isch a Tütschfrybùrger Tokter gsyy, wo sich für syyni Seislertütschi Muetterspraach yygsetzt ghääbe het. Nach synere Matura im 1935 z Frybùrg het er z Frybùrg ù z Bärn Medizin gstudiert ù im 1942 zum Dr. Med. promoviert. Im 1945i isch er umi ins Frybùrgschi cho ù het aus Tokter z Flamatt gschaffet.

Im 1959i het er di Dütschfrybùrger Arbiitsgmiinschaft gründt ù isch bis ins 1973i de Obmann va dere Arbiitsgmiinschaft blübe. Er isch in vüune Beryych aktiv gsyy, wo s drum gange-n-isch, ds Tütsch im Kanton Frybùrg z sterche, sowou d Mùnnart wie ùù ds Schrifttütsch. Sys Züu isch es gsyy, Tütsch zu ere glyychwärtige ù anerkannte Spraach z Frybùrg z mache. So het er de Tütschfrybùrger Kulturpryys mit gründt ù ds «Theater in Freiburg.». Im 1969i het er an de Spraachecharta vam Frybùrger Inschtitut mitgschaffet, wo Grùnnsätz gsammlet het, wo für es friidlichs Mitenann va verschidnige Spraachgmiinschafte notwendig syy. Im 1989i het iim d Universität Frybùrg d Ehredoktorwürde verliie.

Mit ere Petition ù syym jaarelange intensive Yysatz isch es glunge, dass im 1990 en nüüe Spraacheartikel in d Frybùrger Kantonsverfassig cho isch, wo em Tütsch mee Aaerkennig gää het. D Würkig vam Wäärch vam Peter Boschung uf ds Sälbschtbewusstsyy va de Tütschfrybùrger isch chuum z überschetze.

Werch[ändere | Quälltäxt bearbeite]

Dr Peter Boschung het literarischi Wäärch uf Seislertütsch ù Schrifttütsch in Lyrik ù in Prosa gschribe. Ùù historischi Abhandlige giits ou va iim.

  • Vam Chnächtetoed, Freiburg i. Ü. 1979
  • Spätlese, Freiburg i. Ü. 1986
  • Sprachglossen, 1987
  • Die freiburgische Sprachenfrage, Freiburg i. Ü. 1989
  • Freiburger Lesebuch, Freiburg i. Ü. 1991
  • Bosson – Boschung : unsere Vorfahren, Flamatt 1993
  • Schlossersch Ana: as Seisler Frouwelääbe, Freiburg i. Ü. 1998

Weblink[ändere | Quälltäxt bearbeite]