Periklymenos (Sohn des Neleus)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Periklymenos (altgriechΠερικλύμενος) isch i de griechische Mythologi de ältist Soo vom Neleus und vo de Chloris. Er isch ann vo de Argonaute gsii. Er isch vom Herakles töödt woore. Sii Soo isch de Penthilos.

Wo de Herakles d Neleide aagriffe hett, hend d Götter Partai ergriiffe. Uf de Sitte vom Neleus und sinene Söö hett de Hades gchämpft und uf de Stitte vom Herakles d Athene. De Periklymenos hett d Goob ghaa sich z verwandle und im Champf gege de Herakles hett er sich zerscht ine Schlange, denn in e Loi und drufabe in e Biili verwandlet. Im Schluss isch er as Adler i d Luft gfloge und den vomene Pfill vom Herakles töödt wore.

Literatuur[ändere | Quälltäxt bearbeite]

  • Lutz Käppel: Periklymenos. In: Der Neue Pauly (DNP). Band 9, Metzler, Stuttgart 2000, ISBN 3-476-01479-7, Sp. 572.
  • Edward Tripp: Reclams Lexikon der Antike Philipp Reclam jun. Stuttgart (1991), 5. Uuflaag. Lemma: Periklymenos, S. 421.