Perestroika

Us der alemannische Wikipedia, der freie Dialäkt-Enzyklopedy
Perestroika (sowjetischi Briefmarke, 1988)

Perestroika (russisch перестройка, sältener au Perestrojka „Umbau, Umgstaltig, Umstrukturierig“) bezäichnet dr Brozäss zum Umbau und zur Modärnisierig vom gsellschaftlige, politische und wirtschaftlige Süsteem vo dr Sowjetunion, wo vom Michail Gorbatschow am Aafang vo 1986 iigläitet worde isch.

Dr Brozäss isch im ene änge Zämmehang mit dr Ufheebig vo de Iischränkige vo dr Mäinigs- und Pressfreihäit in dr Sowjetunion under em Schlagwort Glasnost (wörtlig: Offehäit, Reedfreihäit, Informazionsfreihäit) gstande. Dr Begriff het sich uf witi Däil vo dr Gsellschaft bezooge und het im witere Sinn d Demokratisierig vom Staat vo 1986 aa bedütet. Öbbis vom erste wo im Raame vo dr Perestroika gänderet worde isch, isch gsi, ass d Direktive vo dr Partei in dr Politik vo dr Zentralverwaltigswirtschaft nüme so strikt gsi si und d Betriib häi vo 1987 e Hufe sälbstständig döfe entschäide. Die Iifüerig vo de erste Elimänt vo dr Marktwirtschaft isch e bedütende Iischnitt in dr Era vom Sozialismus gsi.

D Folge vo dr nöije Politik[ändere | Quälltäxt bearbeite]

S nöije wirtschaftlige Süsteem isch weder Blan- no Marktwirtschaft gsi und het dr Verfall vo dr sowjetische Wirtschaft iigläitet. S Bruttoinlandsprodukt isch gsunke und d Inflation isch rasant aagstiige.

S Ändi vo dr Sowjetunion[ändere | Quälltäxt bearbeite]

Im Juni 1991 het dr Ministerbresidänt Pawlow brobiert im Gorbatschow e Däil vo dr Macht wägznee, was im aber nid glunge isch. Im Augustputsch 1991 häi die Konserwative d Macht welle a sich risse, das isch aber am Widerstand vom Volk, wo im Boris Jelzin e mächdige Fürspräch gfunde het, gschiteret. Wo d Mitgliidstaate vo dr Sowjetunion sich für d Uflöösig vo dr Union häi afo iisetze, isch d Sowjetunion im Dezämber 1991 usenanderbroche.

Litratuur[ändere | Quälltäxt bearbeite]

  • Juri Afanasjew (Hg.): Es gibt keine Alternative zur Perestroika. Glasnost, Demokratie, Sozialismus. Vorwort v. M. Gorbatschow, Beiträge v. Ales Adamowitsch, Andrei Sacharow u. a. Nördlingen 1988 (Greno)
  • Archie Brown: Seven Years That Changed the World: Perestroika in Perspective. Oxford University Press, Oxford 2007, ISBN 978-0-19-928215-9 (Essay-Sammlung).[1]
  • Michail Gorbatschow: Perestroika. München: Droemer Knaur. - ISBN 3-426-03961-3
  • Michail Gorbatschow: Erinnerungen; 1995, Siedler-Verlag, Berlin, ISBN 3-88680-524-7
  • Karl Held, Das Lebenswerk des Michail Gorbatschow - Die Zerstörung der Sowjetunion (Von der Oktoberrevolution zur Perestroika), München 1992, ISBN 3-929211-00-9
  • Aris Beemster: Perestroika und Glasnost. Berlin: Droemer Knaur
  • Matthias Schmitt: Das Ostgeschäft von morgen. Glasnost-Perestoika-Uskorenje, Nomos Verlagsgesellschaft, Baden-Baden 1988, ISBN 3-7890-1619-5
  • Philip Wimmer: Die Rezeption der Ideologie der Perestroika durch die KPÖ von 1985 bis 1990, Phil. Diss. Wien 2003 Eigenverlag Wien
  • Abel Aganbegjan: ′′Ökonomie und Perestroika′′. Hamburg: Hoffmann und Campe, ISBN 3-455-08335-8

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Rodric Braithwaite (1988 bis 1992 britischer Botschafter in Moskau): Gorbachev's Coup (Rezension) (Memento vom 25. Dezämber 2007 im Webarchiv archive.is). In: Moscow Times, 12. September 2007. Susanne Schattenberg: Rezension zu: Brown, Archie: Seven Years That Changed the World. Perestroika in Perspective. Oxford 2007. In: H-Soz-u-Kult, 19. Februar 2010.
Dä Artikel basiert uff ere fräie Übersetzig vum Artikel „Perestroika“ vu de dütsche Wikipedia. E Liste vu de Autore un Versione isch do z finde.