Paul Wagner (Autor)
Dr Paul Wagner (* 29. Juni 1907 z Fahrnau, hite ne Stadtdail vu Schopfe; † 1992) isch e dytsche Chaufmann un Dialäktautor gsii.
Lääbe
[ändere | Quälltäxt bearbeite]Är isch z Fahrnau ufgwagse un het dert au bis zue sym Dod gläbt. No dr Volkschuel isch er z Schopfe udf d Oberrealschuel gange un het dert di mittler Ryfi gmacht. Är het Chaufmann glehrt un het as Versandlaiter, Hauptbuechhalter un schließli as Prokurischt in eme Fahrnaue Unternäme gschafft. Im Zweete Wältchrieg isch er bi dr Marineflack gsii un am Änd in franzesischer un amerikanischer Gfangeschaft gsii. Ab 1972 het er im Ruestand gläbt.
Dr Wagner het Gedicht un Verzellige uf Alemannisch un Hochdytsch gschribe, en Uuswahl het er in e baar Biechli uusegee.
Är het si au im Dorflääbe engaschiert, unter anderem as Vorsitzer vum Fueßballverain un vum Gsangverain.
Schrifte
[ändere | Quälltäxt bearbeite]- Chornblueme. Alemannische Gedichte. Eigeverlag, Schopfheim-Fahrnau 1975
- Vom Grättimaa. In: Das Markgräflerland. Beiträge zu seiner Geschichte und Kultur. Geschichtsverein Markgräflerland, Schopfheim. Bd. 1975,1/2 (1975), S. 119–120. ISSN 2567-3602
- Kleiner Beitrag zur Postgeschichte. In: Das Markgräflerland. Beiträge zu seiner Geschichte und Kultur. Geschichtsverein Markgräflerland, Schopfheim. Bd. N.F. 6 (1975), 1/2, S. 120 ff. ISSN 2567-3602
- Zarti Saite. Gedichte. Eigeverlag, Schopfheim-Fahrnau 1981. 47 S.
- Weisch no, geschtern? Originale, heitere Vergangenheit, Mundart-Gedichte. Eigeverlag, Schopfheim-Fahrnau 1980. 71 S. Ill.
- 2. Uflag: Weisch no, geschtern? Schopfheimer Originale und Sonderlinge; heitere Geschichten und Begebenheiten. Eigeverlag, Schopfheim-Fahrnau 1982. 63 S. Ill.
Literatur
[ändere | Quälltäxt bearbeite]- Gerhard Jung: Neue alemannische Dichtung am Hochrhein. Versuch einer Bestandsaufnahme. In: Badische Heimat, Heft 2 Juni 1983, S. 331–363.