D Orang-Utan

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Orang-Utan
OrangutanP1.jpg

E Borneo-Orang-Utan (Pongo pygmaeus)

Systematik
Deilordnig: Affe (Anthropoidea)
Altwältaffe (Catarrhini)
Überfamilie: Menschenartigi (Hominoidea)
Familie: Menschenaffe (Hominidae)
Underfamilie: Ponginae
Gattig: Orang-Utan
Wüsseschaftlige Name
Pongo
Lacépède, 1799
Art

D Orang-Utan (Pongo) si e Gattig vo Primate us dr Familie vo de Menschenaffe (Hominidae). Vo de andere Menschenaffe underschäide si sich dur iir rotbruuns Fäll und dur iire Körperbau, wo stärker an d Lääbenswiis vo Baumbewooner aabasst isch. Si lääbe uf de südostasiatische Insle Sumatra und Borneo. D Beständ vo de bäide Insle wärde hüte drei underschiidligi Arte zuegordnet – em Borneo-Orang-Utan (Pongo pygmaeus), em Sumatra-Orang-Utan (Pongo abelii) und em nöi entdeckte Tapanuli-Orang-Utan (Pongo tapanuliensis).

Merkmol[ändere | Quälltäxt bearbeite]

D Erm und Bäi vo de Orang-Utan si an e Lääbenswiis vo Baumbewooner aabasst.

D Orang-Utans chömme uf e Chopf-Rumpf-Lengi vo 1,25 bis 1,5 Meter. Bim Gwicht git s e dütlige Gschlächtsdimorfismus: Männli wääge 50 bis 90 Kilogramm und si fast dobblet so schwer wie Wiibli, wo 30 bis 50 Kilogramm wääge. Dier in Gfangeschaft si mäistens dütlig schwerer, Männli chönne uf e Gwicht vo fast 200 Kilogramm cho. D Sumatra-Orang-Utan si im Allgemäine e chli liichder und graziiler as iiri Verwandte uf Borneo. S Fell gseet eender dünn und zottelig us und isch dunkelrot oder rötlig bruun – bi de Dier us Sumatra mäistens e chli heller.

D Erm und d Bäi si stark spezialisiert uf d Lääbenswiis vom ene Baumbewooner. D Erm si seer lang und chreftig und chönne e Spannwiti vo 2,25 Meter ha. D Händ häi d Form vo Hogge und si lang, dr Duume hingege isch seer churz und ganz nooch an dr Handwurzle. D Bäi si im Vergliich churz, seer beweeglig und chönne gege inne booge wärde, was bim sänkrächte Chlättere an Baumstämm hilft. Dr groossi Zeeche isch wie dr Duume verchürzt und relativ nooch bi dr Fuesswurzle, die andere Zeeche si hingege verlengeret und chrumm. D Füess gseen dorum fast wie Händ us.

Litratuur[ändere | Quälltäxt bearbeite]

  • Thomas Geissmann: Vergleichende Primatologie. Springer, Berlin 2003. ISBN 3-540-43645-6
  •  Ronald M. Nowak: Walker’s mammals of the world. 6. Uflaag. Johns Hopkins University Press, Baltimore 1999, ISBN 0-8018-5789-9, LCCN 98-23686.
  • D. E. Wilson & D. M. Reeder: Mammal Species of the World. Johns Hopkins University Press, 2005. ISBN 0-8018-8221-4

Weblingg[ändere | Quälltäxt bearbeite]

 Commons: Orang-Utans – Sammlig vo Multimediadateie
Information icon.svg Dä Artikel basiert uff ere fräie Übersetzig vum Artikel „Orang-Utans“ vu de dütsche Wikipedia.

E Liste vu de Autore un Versione isch do z finde.