Owerrhin Mäss

Fahne vun de Mäss Offeburg

D Owerrhin Mäss, in dr Region Offeburg au Herbschtmäss gnännt, isch e Veraastaltung vun de Messe Offenburg-Ortenau GmbH. Mit rund 85.000 Bsuecher*ne all Johr isch d Owerrhin Mäss aini vun de greschte Mässe z Bade-Wirttebärg, wu grichtet isch an Endverbrucher

Grindet wore isch d Owerrhin Mäss im Johr 1924, dodemit zellt si zue de traditionsrichschte Veraastaltunge z Ditschland.

D Mäss geht nin Däg un isch all johr im Spotjohr. Aafange duet si immer am letschte Wucheänd im September. D Offeburger Mässgsellschaft inszeniert die Veraastaltung all Johr nei. Si setzt uf Iikaufe, Spaß, Freizitwärt un e Sunderschau, wu all Johr andersch isch.

Bi de Owerrhin Mäss sin all johr iwer 500 Uussteller verdrätte. Si biete ihri Produkt un Dienschtlaischtunge in 27 Halleabschnitt un Zälthalle uf 12.000 m² un au im Freigländ uf rund 10.000 m² Uusstellungsflech an. S Portfolio vun de Uusstellung umfasst verschideni Bransche:

• Energi, Baue, Wohne
• Luxus & Lifestyle
• Dienschtlaistunge (in de Beraich Finanzberatung, Banke un Versicherunge)
• Gnuss (Kulinarischs)
• Programm zum Erläwe (Modeschaue, Ainzelveraastaltunge etc.)
• Kinderabenteuer (Dierhall, …)
• Aktiv unterwägs (Sportklaider un -grät, Fahrreder etc.)
• Beauty & Wellness

E wichtig Elemänt vun de Mäss sin di ufwändige Sunderschaue. In de letschte Johr sin de zum Baischpil d Theme „Mittelalter“, „Mythos Wild West“ (Sammlung Bründl) oder „Afrika mit allen Sinnen genießen“ gsin. Im Johr 2011 het de Veraastalter s Thema „Schätze der chinesischen Kaiserreiche“ ufgriffe.

Weblink

• Offizielli Website

Fueßnote

Dä Artikel basiert uff ere fräie Übersetzig vu dere Version vum Artikel „Oberrhein_Messe“ vu de dütsche Wikipedia. E Liste vu de Autore un Versione isch do z finde.