Notker Piperisgranum

De Notker Piperisgranum oder uf Tütsch Notker Pfefferchorn und au Notker II. (* um 905; † 12. November 975 im Chlooster St. Galle) isch e Mönch und Arzt im Chlooster Sanggale gsi.

De Notker isch birüemt gsii weg sinene guete Kentniss i de Hailchund und isch drum au vom Chaiser Otto I. gförderet wore. Von im sind au Illustratione vo Büecher bikannt und au e paar latiinischi Versli. Sii Neff, de Nokter, isch vo 971 bis 975 Apt vom Chlooster Sanggale gsii.

Über sin Öbername „Pfefferchorn“ gits verschidnig Mainige, di ainte seget er hebi de Name weg sim Medizinchästli, anderi wel er en scharfe Verstand gha hebi, dritti weg sim Temperament und vierti wel er furchtbar asketisch glebt ha söll.

Literatur

• Udo Kühne: Notker der Arzt. In: Historisches Lexikon vo dr Schwiiz.
• Wilhelm Theopold: Notker der Arzt (gest. 975). Kurzbiografie und Gedichte. In: Derselbe: Doktor und Poet dazu: Dichterärzte aus fünf Jahrhunderten. Kirchheim, Mainz 1986, ISBN 3-87409-024-8, S. 13–15.
• Johannes Duft: Notker II. von St. Gallen (Notker der Arzt, Notker Medicus, Notker Pfefferkorn, Notker Piperisgranum) OSB. In: Verfasserlexikon. Band VI, Sp. 1210–1212.

Weblink

• Jahrbuch vo de Erzabtei St. Ottilien