Nicola Spaldin
D Nicola Ann Spaldin (* 3. Jänner 1969 z Easington, Verainigts Chenigrych) isch e britischi Chemikeri un Materialforscheri an dr ETH Züri. Mer chännt si vor allem fir iri theoretische Arbeite zue Multiferroika.
Lääbe un Wirke[ändere | Quälltäxt bearbeite]
D Spaldin het anne 1991 an dr University of Cambridge e Bachelor in Naturwisseschafte gmacht un 1996 bi dr K. B. Whaley an dr University of California, Berkeley mit dr Arbet Calculating the Electronic Properties of Semiconductor Nanostructures: A New Theoretical Approach e Ph.D. in Chemy. As Poschtdoktorandi het si bi dr K. M. Rabe an dr Yale University gschafft, vorbe si 1997 e erschti Profässur (Assistant Professor) an dr University of California, Santa Barbara iiberchuu het. Anne 2002 sich si Associate Professor woore, 2006 het si ne ordeligi Profässur kriegt.
Syter anne 2010 isch d Spaldin Profässeri fir Materialtheory (Materials Theory) an dr ETH Züri.
D Spaldin het mit Hilf vu Computermodäll e neii Klass vu krischtalline Verbindige gschaffe, d Multiferroika. Si het e theoretische Grund uusegschafft, wurum s eso wenig Multiferroika git, un het in Computersimulazione Krischtall fir d Forschig kreiert. Si het dodermit d Forschig an Multiferroika wider mit Läbe gfillt, wu no erschte Untersuechige in dr Sowjetunion Mitti vum 20. Jorhundert ufgee woren isch, wel mer kai gaigneti Materialie ghaa het.[1]
D Arbet vu dr Spaldin sin (no Google Scholar, Stand Juni 2022) scho iber 50.000-mol zitiert wore, ire h-Indäx lyt bi 91.[2]
Uusgläseni Uuszaichnige[ändere | Quälltäxt bearbeite]
- 2008 Fellow vu dr American Physical Society[3]
- 2010 James C. McGroddy Prize for New Materials
- 2012 Rössler-Prys vu dr ETH Züri[4]
- 2013 Fellow vu dr American Association for the Advancement of Science
- 2015 Körber-Prys fir di Europäisch Wisseschaft[5]
- 2017 UNESCO-L’Oréal-Prys
- 2017 Mitglid vu dr Royal Society
- 2019 Mitglid vu dr National Academy of Engineering
- 2019 Marcel-Benoist-Prys
- 2021 IUPAP Magnetism Award and Néel Medal mit dr Agnès Barthélémy fir grundlegend un au aagwändti Bydreg zue magnetische un ferroeläktrische Materialie, speziäll Multiferroika (Laudatio).[6]
- 2022 Ufnahm as Mitglid vu dr Sekzion Chemy in di Nazional Akademy vu dr Wisseschafte Leopoldina
- 2022 CMD Europhysics Prize
- 2022 Hamburger Prys fir Theoretischi Physik
- 2022 Mitglid vu dr Berlin-Brandeburgische Akademy vu dr Wisseschafte
Weblink[ändere | Quälltäxt bearbeite]
Commons: Nicola Spaldin – Sammlig vo Multimediadateie- Mitglidsyydrag vu dr Nicola Spaldin bi dr Leopoldina
- Spaldin, Nicola, Prof. Dr. bi dr ETH Züri
- Nicola Spaldin in dr Datebank AcademiaNet
Fueßnote[ändere | Quälltäxt bearbeite]
- ↑ Christian Speicher: Die ganz andere eiserne Lady. In: Neue Zürcher Zeitung, 28. April 2017
- ↑ Nicola Spaldin - Google Scholar Citations. In: scholar.google.com. Abgruefen am 6. Juni 2022 (änglisch).
- ↑ APS Fellow Archive. In: aps.org. März 2011, abgruefen am 3. Dezember 2015 (änglisch).
- ↑ Rössler Preis. ETH Zürich, abgruefen am 3. November 2016.
- ↑ Körber-Stiftung Hamburg: Nicola Spaldin – Körber-Preisträgerin 2015. In: koerber-stiftung.de. Abgruefen am 9. August 2022.
- ↑ For pioneering contributions to the fundamental and applied science of magnetic and ferroelectric materials, particularly multiferroics, IUPAP
|
Dä Artikel basiert uff ere fräie Übersetzig vu dere Version vum Artikel „Nicola_Spaldin“ vu de dütsche Wikipedia. E Liste vu de Autore un Versione isch do z finde. |