Dr Naturalismus in dr Bildende Kunst

Us der alemannische Wikipedia, der freie Dialäkt-Enzyklopedy
Arnold Lyongrün: Die Quelle (Ölgmäld 1911)

Dr Naturalismus in dr Kunst isch e Ströömig vo öbbe 1850 bis 1900 gsi. As Epochebegriff isch er aber in dr Bildende Kunst weniger scharf definiert als in dr Litratuur. Dr Begriff Naturalismus wird in dr Bildende Kunst eender brucht as Bezäichnig für e Daarstelligswiis, unabhängig vo dr Zit, as als Epochebegriff. Wenn s um d Absichte goot, wo mit ere naturalistische Daarstelligswiis verfolgt wärde, reedet mä vilmol eender vo Realismus.

Mä cha d Begriff Naturalismus und Realismus also nid genau von enander abgränze. Es git sonigi, wie dr Kunsthistoriker Georg Schmidt, wo dängge, ass s Ziil vom Naturalismus die perfekti, wärtfreiji Abbildig sig, wääred es im Realismus uf die «inneri Woorhet» aachiem, also uf s Wääsentlige, und nid so seer uf die «üsseri Erschiinig» wie bim Naturalismus. Im Geegesatz drzue giengs bim Idealismus drum d Wirklichkäit hööcher zmache, zum Bischbil e müthologischi Szene z verklääre.

Künstler us dr Epoche vom Naturalismus am Ändi vom 19. Joorhundert und am Aafang vom zwanzigste[ändere | Quälltäxt bearbeite]

  • Gustave Courbet (1819–1877), e franzöösische Mooler, wo in dr Realismus/Naturalismus-Debatte e wichdigi Rolle gspiilt het
  • Constantin Meunier (1831–1905), e belgischer Mooler und Bildhauer
  • Carl Oesterley junior (1839-1930), e dütsche Mooler
  • Jean-Charles Cazin (1841–1901), e franzöösische Mooler
  • Léon Lhermitte (1844–1925), e franzöösische Mooler
  • Alfred Roll (1847–1919), e franzöösische Mooler
  • Jules Bastien-Lepage (1848–1884), e franzöösische Mooler
  • Jean-François Raffaelli (1850–1924), e franzöösische Mooler
  • Marie Bashkirtseff (1860–1884), e russischi Moolere
  • Arnold Lyongrün (1871–1935), e dütsche Mooler
  • Max Liebermann (1847–1935), e dütsche Mooler
  • Gari Melchers (1860–1932), en amerikanischer Mooler

Litratuur[ändere | Quälltäxt bearbeite]

  • Georg Schmidt: Naturalismus und Realismus (1959) in: Ders., Umgang mit Kunst Ausgewählte Schriften 1940–1963. Verein der Freunde des Kunstmuseums, Basel 1976.
  • Gabriel P. Weisberg: Beyond Impressionism – the Naturalist Impulse in European Art 1860–1905. London 1992, ISBN 0500236437.
  • Gabriel P. Weisberg: Illusions of reality – Naturalismus 1875–1918. Ausstellungskatalog, Belser Verlag, ISBN 3763025774.

Lueg au[ändere | Quälltäxt bearbeite]

Weblingg[ändere | Quälltäxt bearbeite]

 Commons: Naturalismus – Sammlig vo Multimediadateie