Härzinfarkt

Us der alemannische Wikipedia, der freie Dialäkt-Enzyklopedy
E Härzinfarkt vom Vorderwandspitz (2) noch em Verschluss (1) vom vordere abstiigende Ast (LAD) vo dr lingge Chranzarterie (LCA), schematischi Daarstellig

Dr Härzinfarkt, au Myokardinfarkt, in dr Umgangssprooch Härzschlaag, Härzaafall oder Härzattacke, isch en akuts und lääbensbedrooligs Eräignis as Folg von ere Chranket vom Härz. En Abchürzig, wo in dr Humanmedizin gebrüüchlig isch, isch HI oder AMI (acute myocardial infarction).

Es handlet sich um e Durchbluetigsstöörig, wo nid verbii goot, (Ischämie) vo Däil vo dr Härzmuskle ("Myokard") und wird in de mäiste Fäll dur Bluetgrinnsel in ere arteriosklerotisch veränderete Ängstell vom ene Härzchranzgfäss verursacht. Läitsümptoom vom Härzinfarkt isch e Schmärz im Brustberiich, wo blötzlig duet ufdräte, nid furtgoot und mäistens stark isch. Er chunnt vor allem uf dr lingge Site vor und cha in d Aggsle, Ärm, Underchiifer, Rugge und Ooberbuuch usstraale. Er wird vilmol vo Schwäissusbrüch / chaltem Schwäiss, Schlächtsi und mänggisch Chotze begläitet. Bi öbbe 25 Brozänt vo alle Härzinfarkt git s nume chliini oder käini Beschwärde (sog. stumme Infarkt). In dr Akutfaase vom ene Härzinfarkt git s hüfig gföörligi Härzrhütmusstöörige. Au chliineri Infarkt chönne nit sälte über Chammerflimmere zum blötzlige Härzdood füere, öbbe 30 Brozänt vo alle Doodesfäll bi Härzinfarkt bassiere no bevor Läie chönne hälfe oder vor ere medizinische Therapii.

Litratuur[ändere | Quälltäxt bearbeite]

  • D. P. Zipes et al. (Hrsg.): Braunwald's Heart Disease: A Textbook of Cardiovascular Medicine. 7. Uflaag, W. B. Saunders Company, Philadelphia 2004, ISBN 1-4160-0014-3.
  • H. R. Arntz: Prähospitale Versorgung von Patienten mit akutem ST-Streckenhebungsinfarkt. Z Kardiol (2004) 93: S. 915–916. (onläin as PDF-Datei).
  • C. W. Hamm: Leitlinien: Akutes Koronarsyndrom (ACS) – Teil 2: Akutes Koronarsyndrom mit ST-Hebung. Z Kardiol (2004) 93: S. 324–341. (online als PDF-Datei).

Weblingg[ändere | Quälltäxt bearbeite]

 Commons: Myokardinfarkt – Sammlig vo Multimediadateie

Fuessnoote[ändere | Quälltäxt bearbeite]


Gsundheitshiwiis Bitte tue de Hiwiis zu Gsundheitsthemene biachte!
Dä Artikel basiert uff ere fräie Übersetzig vu dere Version vum Artikel „Myokardinfarkt“ vu de dütsche Wikipedia. E Liste vu de Autore un Versione isch do z finde.