Musée du Désert

Us der alemannische Wikipedia, der freie Dialäkt-Enzyklopedy
S Musée du Désert

S Musée du Désert isch es Museum im französische Ort Mas Soubeyran, wo in de Nöchi vo Mialet in de Sevenne ligt.

Im Museum gohts um d Gschicht vom Proteschtantismus z Frankriich und bsunders um di in de Region vo de Sevenne. De Name Désert meint d Ziit zwüschem Edikt vo Fontainebleau vo 1685 und em Toleranzedikt vo 1787, wo de Proteschtantismus z Frankriich verbote isch gsi und d Hugenotte verfolgt sind worde.

D Usschtellig zeigt, unter welche Umschtänd di reformiert Chile vo Frankriich in de Verfolgig gläbt het, wi si illegali Gottesdienscht organisiert het, wer zu Galeereschtrafe und Haft verurteilt worde-n-isch und au de Bürgerchrieg in de Sevenne zwüsche 1703 und 1706 isch es Thema. De Ludwig XIV. het in dere Ziit 400 Dörfer zerstöre laa und d Proteschtante wei mit dem Museum d Erinnerig an di schwirigi Ziit für ihri Chile und ihre Glaube wach halte.

Weblink[ändere | Quälltäxt bearbeite]