Dr Mord am amerikanische Bresidänt John F. Kennedy
Am 22. November 1963 isch der amerikanisch Präsident John F. Kennedy in Dallas (Texas) ermordet worde. Das Attentat isch nie vollschtändig uufgeklärt worde. D Schuld vom Lee Harvey Oswald, wo offiziell der Attentäter gsi isch, wird wohl für immer nur uuf Indizie gschtützt bliibe.
S Attentat
[ändere | Quälltäxt bearbeite]
Der Bibliotheks-Lagermitarbeiter Lee Harvey Oswald gilt als wahrschiinliche Attentäter. Der Kennedy hett uf en ere Wahlkampf-Tour, wo s Datum von ere einigi Wuche vorhär veröffentlicht worde isch, d Schtadt Dallas bsuecht, wobii d Umzugs-Route au an der Bibliothek vorbii gfüehrt het, wo dr Oswald gschafft het.
Der Attentäter hett der Kennedy in siinere Umzugs-Limousine mit em ene Ziilfernrohr-Gwehr uus em ene Fänschter vo der Bibliothek, wo an däm Tag fascht leer gstande isch, erschosse. Kei Augezüüge hett der Attentäter drnach eindeutig chönne identifiziere. Uufgrund voo verschiedene Indizie isch der Verdacht nachhär aber uuf en Lee Harvey Oswald gfalle. Er isch en Anhänger von der kubanische und sowjetische sozialistische Revolution gsii und hett 1962 müesse mit anluege, wie der Kennedy während der Kuba-Krise d Russe drzue brocht het, iiri Atomwaffe von Kuba abzzieh. Der Oswald het uff siim Arbeitswäg am Morge vor em Mord es länglechs Paket bii sich gha, won er siim Kolleg, wo im Auto mitgfahre isch, gseit het, es siige Vorhang-Schtange drin. D Polizei hett das nachhär so interpretiert, dass das s Gwehr gsii sig. Kritiker wände allerdings ein, dass der Oswald ja blöd gsii wär, wenn er das Paket vorhär siim Kolleg zeigt hätt, statt s mit em öffentliche Verchehr möglichscht anonym in d Bibliothek z schmuggle. Der Oswald sälber hett bii siire Feschtnahm resolut beschtritte, der Mörder z sii, und vor Journalischte bhauptet, d Polizei well ihn als Sündebock verwände. Churz nachhär isch er vom Jack Ruby, wo der Mafia nooch gschtande isch, sinersiits ermordet worde.
Augezüüge hei unter Eid uusgsagt, dass sie der Oswald einigi Ziit nach em Attentat hei uus em Vorderuusgang von der Bibliothek ohni Hascht gseh uuse go. Offebar hett aber en Polizischt zum ene andere Ziitpunkt der Oswald uus em Hinteruusgang gseh uusegoo. Das hett em Verdacht (gwüssi nenne s der Verschwörigstheorie) Nahrig gää, d Polizei von Dallas schtecki sälber hinter däm Attentat, und zwar dür en Doppelgänger vom Kommunischt Oswald, wo unter polizeilicher Beobachtig gschtande isch. Doderzue muess me wüsse, dass es sich damals noo um d Ziit von der Schwarze-Diskriminierig in de USA ghandlet het und dass es au in vilne Polizeikorps von de Südschtaate Rassischte gäh het, wo gegen Politik vo dr Integration vom Kennedy si gsi. Zum Bischpil sind im Johr 1964 im Bundesschtaat Mississippi mehreri Schtudänte, wo sich gäge Rassediskriminierig iigsetzt händ, zwiifelsfrei unter Mitwirkig u. a. vom ene lokale Polizeichef ermordet worde. Der Kennedy andersiits het damals massgäblich zu der Gliichschtellig von de Schwarze biitreit, s Motiv von de Polizei-Rassischte wär also au vorhande gsii.
Offiziell isch aber d Indizie-Version vom Mord dur en Oswald durch verschiedeni wiiteri Untersuechige beschtätigt worde.
Literatur
[ändere | Quälltäxt bearbeite]Friedrich Hacker: Aggression – die Brutalisierung der modernen Welt, 1972
Externi Links
[ändere | Quälltäxt bearbeite]- War Lee Harvey Oswald wirklich schuldig? von Gil Jesus:http://giljesus.com/
- Zwingende Beweise: Ein neuer Blick auf die Ermordung von Präsident Kennedy von Michael T. Griffith:https://web.archive.org/web/20160816150457/http://www.kenrahn.com/JFK/The_critics/Griffith/Griffithbio.html
- JFKHistory von Bob Harris: Legitime Fakten im Zusammenhang mit dem Verbrechen, unterstützt einen Fall wegen Verschwörung.http://www.jfkhistory.com/ (Site cha nüme abgrüeft wärde; Suche im (Site cha nüme abgrüeft wärde; Suche im [http://wayback.web.archive.org/web/*/rung.http://www.jfkhistory.com/ Webarchiv) Webarchiv])