Monumänt vum Radsport

Us der alemannische Wikipedia, der freie Dialäkt-Enzyklopedy

Monumänt vum Radsport wäre di fimf draditionsryychschte un prestischdrächtigschte Eidagesränne im Stroßeradsport gnännt, dodrunter zwei italienischi, zwei belgischi un ei französischs Ränne. Vier vu dr fimf Ränne wäre alljohr im Friejohr uusdrait, eis im Spotjohr.

Ränne Erschtuusdragig Rekordsiiger hitige Termin
Flagge ItaliensItalien Mailand–Sanremo 1907 Flagge BelgiensBelgie Eddy Merckx (7 Siig) dritte Samschtig im Merze
Flagge BelgiensBelgien Flandern-Rundfahrt 1912 Flagge BelgiensBelgie Achiel Buysse, Flagge BelgiensBelgie Eric Leman, Flagge ItaliensItalie Fiorenzo Magni un Flagge BelgiensBelgie Johan Museeuw (je 3 Siig) erschte Sunntig im April
Flagge FrankreichsFrankreich Paris–Roubaix 1896 Flagge BelgiensBelgie Roger De Vlaeminck (4 Siig) zweite Sunntig im April
Flagge BelgiensBelgien Lüttich–Bastogne–Lüttich 1892 Flagge BelgiensBelgie Eddy Merckx (5 Siig) vierte Sunntig im April
Flagge ItaliensItalien Lombardei-Rundfahrt 1905 Flagge ItaliensItalien Fausto Coppi (5 Siig) dritte Samschtig im Oktober

D Streckeprofil vu dr Rädränne unterscheide si stark: Alli Ränne fiere iber e Lengi vu zmindescht 250 km, s Terrain vu Mailand–Sanremo isch aber e gmäßigt bielig un in dr letschte Johr au fir Sprinter geignet. Lüttich–Bastogne–Lüttich un d Lombardei-Rundfahrt wyyse dergege mehreri lengeri Aastiig uf. Im Gegesatz zue däne drej Klassiker, wu uusschließli uf Asfalt uusdrait wäre, zeichne sich d Flandern-Rundfahrt (mit e Huffe gäche churze Aastiig) un Paris–Roubaix (flach) dur ihri schwäre Passasche mit Chopfsteibflaschter uus.

Nume drej belgischi Fahrer hän s bishär gschafft alli fimf Ränne z gwinne: Rik Van Looy (zwische , 1958 un 1965), Eddy Merckx (zwische 1966 un 1976) un Roger De Vlaeminck (zwische 1970 un 1979). Dr Eddie Merckx het insgsamt nyynzeh Mol gwunne un e jedes Ränne zmindescht zwei Mol.