Michael Rich
| |
| Personedate | |
|---|---|
| Geburtsdatum | 23. Septämber 1969 |
| Nation |  Dytschland
|
| Disziplin | Stroß |
| Fahrertyp | Zytfahrspezialischt |
| Veräin / Ränngmäinschaft(e) | |
| bis 1996 | RVC Reute RSV Öschelbronn Histor-Öschelbronn Schauff-Öschelbronn |
| Internationali Team | |
| 1997-1998 1999-2006 |
Saeco Team Geroldsteiner |
Dr Michael Rich (* 23. Septämber 1969 z Fryybeg) isch e ehmolige dytsche Radrännfahrer.
Dr Rich isch syter anne 1999 fir dr dytsch Profiradrännstaal Team Gerolsteiner gfahre un het as Zytfahrspezialischt gulte. Dervor isch er fir d Mannschafte vum RVC Reute, RSV Öschelbronn, Histor-Öschelbronn, Schauff-Öschelbronn un s Team Saeco gfahre, derzue aber au 1994 mit ere Stagiaire-Lizänz fir s Team Telekom.
Dr Michael Rich het insgsamt fimf dytschi Meischtertitel im Zytfahre chenne erringe, zletscht im Juni 2005. Bi dr Olympische Spil 1992 z Barcelona isch er mit em 100km-Stroße-Vierer Olympiasiiger wore.
Bi dr Zytfahr-WM isch er drejmol uf dr zweit Blatz chuu (2000, 2002, 2004) un eimol uf dr dritt (2003). Derzue het er di bode letschte Uusdragige vum franzesische Zytfahr-Klassiker GP des Nations 2003 un 2004 gwunne. Bi dr Dytschland Tour 2004 het er s Uftaktzytfahre gwunne mit 25 Sekunde Vorsprung vor em Jan Ullrich un het dodermit s Geel Trikot iberchuu, wun er aber derno uf dr dritte Etappe an dr speter Gsamtsiiger Patrik Sinkewitz wider verlore het. Syyni greschte Erfolg bi Rundfahrte sin der Gwinn vu dr Tour de la Somme 1999 un vu dr Bayern-Rundfahrt 2002, 2003 un 2005.
2005 het dr Rich au d Rheinland-Pfalz-Rundfahrt gwunne. Zämme mit syyne Teamkollege Markus Fothen, Sven Krauß, Sebastian Lang, Torsten Schmidt un Uwe Peschel het er in däm Johr s Teamzytfahre z Eindhoven gwunne mit drej Sekunde Vorsprung vor dr Mannschafte vu Phonak un CSC. Bi dr Tour de France 2005 isch er s erscht Mol an s Ziil z Paris chuu, 2003 het er in dr Bärg no mieße ufgee.
2006 het dr Michael Rich syy Ruckdritt vum aktive Radsport bekannt gee un ass er ab 2007 unter anderem as Materialscout fir s Team Gerolsteiner wett schaffe.
Syt dr Uflesig vum Team Gerolsteiner 2008 het dr Michael Rich as Redakteur fir s Fachmagazin Roadbike, in dr Entwicklig bi Canyon Fahrreder un as Teamkoordinator bim belgische Rännstaal PT Silence-Lotto gschafft.
Dr Michael Rich isch ghyrote, het zwei Chinder un wohnt z Ämmedinge.
Erfolg
[ändere | Quälltäxt bearbeite]- 1992
- Olympiasiiger Barcelona im Vierer-Mannschaftsfahre uf dr Stroß
- 1999
- 1. Blatz Gsamteinzelwärtig un drejfache Etappesiiger Rapport-Toer
- Etappesiiger Trans Canada
- Etappesiiger Regio Tour
- 2000
- Vizewältmeischter Einzelzytfahre
Dytsche Meischter - Einzelzytfahre- 1. Blatz Baarzytfahre EnBW Grand Prix Karlsruhe
- 1. Blatz Gsamteinzelwärtig un Etappesiiger Tour de la Somme
- 2. Blatz Gsamteinzelwärtig un Etappesiiger Bayern-Rundfahrt
- 2001
- Etappesiiger Nidersachse-Rundfahrt
- 2002
- Vizewältmeischter Einzelzytfahre
- 1. Blatz Baarzytfahre EnBW Grand Prix Karlsruhe
- 1. Blatz Chrono des Herbiers
- 1. Blatz Gsamteinzelwärtig un Etappesiiger Bayern-Rundfahrt
- Etappesiiger Dytschland Tour
- Etappesiiger Nidersachse-Rundfahrt
- Etappesiiger Tour du Poitou-Charentes
- 2003
- 1. Blatz Grand Prix des Nation
- 1. Blatz Baarzytfahre EnBW Grand Prix Karlsruhe
- 1. Blatz Baarzytfahre GP Eddy Merckx
- 1. Blatz Chrono des Herbiers
- Dytsche Meischter - Einzelzytfahre
- 1. Blatz Gsamteinzelwärtig un Etappesiiger Bayern-Rundfahrt
- 2004
- Vizewältmeischter Einzelzytfahre
- 1. Blatz Grand Prix des Nations
- Etappesiiger Dytschland Tour
- Etappesiiger Bayern-Rundfahrt
- Etappesiiger Hesse-Rundfahrt
- Dytsche Meischter - Einzelzytfahre
- 2005
- 1. Blatz Gsamteinzelwärtig Bayern Rundfahrt
- Etappesiiger Ster Elektrotoer
- 1. Blatz Mannschaftszytfahre Eindhoven
- Dytsche Meischter - Einzelzytfahre
Weblink
[ändere | Quälltäxt bearbeite]- Michael Rich in der Datebank vo Radsportseiten.net
|
Dä Artikel basiert uff ere fräie Übersetzig vu dere Version vum Artikel „Michael_Rich“ vu de dütsche Wikipedia. E Liste vu de Autore un Versione isch do z finde. |