Mercedes-Benz O 405 N2 CNG
| Daimler-Benz | |
|---|---|
Mercedes-Benz O 405 N CNG Ärdgasbus z Mannheim | |
| Mercedes-Benz O 405 N2 CNG | |
| Hersteller | Daimler-Benz EvoBus |
| Böuart | Liniebus |
| Produktionszytruum | 1994–2001 |
| Achs | 2 |
| Laischtig | 283 PS / 175 kW |
| Lengi | 11,865 m |
| Braiti | 2,500 m |
| Hechi | 3,250 m |
| Achsstand | 5 875 mm |
| Sitzplätz | 32, dodrvuu 1 Klappsitz |
| Stooplätz | 56 |
| Leergwicht | 11 740 kg kg |
| Zuel. Gsamtgwicht | ? kg |
| Vorgängermodell | O 405 CNG |
| Noofolgmodell | O 530 Citaro CNG |
| Ähnligi Modell | MAN NL 232 CNG |
D'r Mercedes-Benz O 405 N2 CNG isch äs Omnibusmodäll mit Ärdgasaatriib. Diä Buukonschtrukziuu isch im 1994 entwiggled wordä. Si händ ä vollautomatisch's Füüfganggetriebe mit 'me Drehmomäntwandler, ä Zwiichräis-Druckluftbräms, ä hydrodynamische Retarder und ä Fäderspiicher-Fäderstellbräms.
Im Januar 1995 hend d' Basler Verchehrsbetrieb (BVB) ä Vorfüehrwage vu derä Buuart uf ihrä zwii lengschtä Busliniä teschtät. Als Pilotprojäkt für Liniäbüs mit Ärdgasaatriib hend's glii druf zwölf Stugg vu derä Räihä bschtellt (d Betriebsnummere 801–812). Jedä Wagä het uf em Dach ä-n-Ärdgasbhälter überchuu. Det d'rin het's je füüf Stahlfläsche mit 'me Fassigsvermöge vu 165 Liter gchaa. Speeter het jedä Wage zwii wiiteri Fläsche überchuu.
Im Septämber isch d'r erscht vu allne Büs in Betrieb chuu. Wäg siner bugglige Chischte uf em Dach het er de Name „Quasimodo“ überchuu. Di zwölf Büs sind bis im Auguscht 2008 im Liniäbetrieb gsi und händ ä Laufläischtig vu rund 560000 Kilometer erräicht. Mindischtens elf vu de zwölf Stugg, unter denä au d'r „Quasimodo“, sind an Mario Röttgen in Untersteinach verchauft wordä. Das isch ä Occasiunshändler für Liniä- und Räisebüs. De hät si inzwüsche wiiterverchauft.
I denä mii als zechä Jaar het das Busmodäll dank d'r guete Erfahrig z' Basel au i andärä Stedt Iizug ghalte. S' Bild näbeddranne zäigt ä buugliiche Ärdgasbus z' Mannheim. Hüt wärdet Ärdgasbüs nach em Syschtem Mercedes Benz Citaro fabriziert.
Weblink
[ändere | Quälltäxt bearbeite]
Commons: Mercedes-Benz O 405 N – Sammlig vo Multimediadateie