Melania Trump

D’ Melania Trump [məˈlɑːniə tɹɐmp] (* 26. Àwrìl 1970 z’ Novo Mesto, SR Sloweenia, SFR Jugoslààwia, àls Melanija Knavs [mɛˈlaːnija ˈknaːu̯s]) ìsch a ehamoolig sloweenisch-àmerikànisch Modäll. Àls Ehafràui vum Donald Trump ìsch sa vu 2017 bis 2021 d’ First Lady vu da Verainigta Schtààta gsìì.

Schuu-n-àls Kìnd ìsch sa àls Modäll ìn Zittschrìfta un uff Moodaschàuija vu verschìedena jugoslààwischa Täkschtilunternamma z’ sah gsìì. Àm Ààfàng vu da Joohra 1990 ìsch sa Modäll ìn verschìendena öiropäischa Lander gsìì, àwwer hàt weeniger Ärfolg ghàà. Drnooh ìsch sa ànna 1995 uff Nöi York gànga, wu sa ànna 1998 àls Kàmpàniagsìcht vu dr Zigarättlamàrka Camel ìhr äärschter greesserer Ärfolg ghàà hàt. Ìm gliicha Joohr ìsch sa ìn a Beziihung mìt’m Donald Trump iinagànga. Mìt ìhm hàt sa àn Talk-Shows un àn siinera aigena Sandung The Apprentica mìtgmàcht. Dànk ìhrer Beziihung mìt’m Trump ìsch ìhra Modällkàrriar schnall uffgschtìega; sa ìsch uff da Tìtelblatter vu zàhlriicha bediitenda Moodazittschrìfta z’ sah gsìì. Ànna 2005 hàt sa dr Trump ghiiroota. Ànna 2006 ìsch sa àmerikànischa Bìrgera worra. Sa ìsch d’ äärschta First Lady vu da Verainigta Schtààta gsìì, wo nìt Anglisch àls Müatterschprooch grädd hàt.

Lìteràtüür[ändere | Quälltäxt bearbeite]

Julia Ioffe: Melania Trump on Her Rise, Her Family Secrets, and Her True Political Views: “Nobody Will Ever Know”. GQ, 27. April 2016.
Mary Jordan: The Art of Her Deal: The Untold Story of Melania Trump. Simon & Schuster 2020, ISBN 978-1-982-11340-7.
Bojan Požar: Melania Trump – The Inside Story: The Potential First Lady. Ombo, Ljubljana 2016.

Weblìnks[ändere | Quälltäxt bearbeite]

Commons: Melania Trump – Sammlig vo Multimediadateie

Melania Trump in de Internet Movie Database (änglisch)
D’ Melania Trump ìn dr National First Ladies’ Library (anglisch)

Dä Artikel basiert uff ere fräie Übersetzig vu dere Version vum Artikel „Melania_Trump“ vu de dütsche Wikipedia. E Liste vu de Autore un Versione isch do z finde.