Martina Hingis

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Martina Hingis

D Martina Hingis (* 30. September 1980 z Kosice, Tschechoslowakei (höt Slowakei) als Martina Hingisova Molitor) esch e Schwizer Tennisspeleri ond ehemaligi Nr. 1 im Welttenniszerkus. Bisher het si 5 Grand Slam Tornier im Einzu, 9 im Doppu und 3 im Mixed chönne gwönne.

Besherigi Karrierebilanz[ändere | Quälltäxt bearbeite]

D Martina Hingis hed bes etz 40 Siig bi WTA-Tornier im Einzu gwonne, osserdem 36 mou im Doppu. Si hed ou füf Grand Slam Tornier im Einzu gwonne, daronder drü mou s Australian Open, einisch z Wimbledon ond einisch s US Open. Während 209 Woche esch d Martina Hingis zwösche 1997 ond 2001 a de Spetze vo de Tennis - Weltranglischte gstande. No emmer hautet si de Rekord, aus jöngschti Speleri met 16 Johr ond 3 Mönet es Grand Slam Tornier gwonne zha! Nachdem d Martina Hingis 2002 bereits met 22 Johr zrogtrete esch, hed si Afang 2006 es erfougrichs Comeback gäh ond hed d Australian Open im Mixed gwonne. Am 1. November 2007 esch se zom zweite Mal vom Profisport zrogtrete. 2013 esch se im Doppu weder uf d WTA Tour retourcho.

Grand Slam Tetle[ändere | Quälltäxt bearbeite]

Einzu:

  • 1997: Australian Open, Wimbledon ond d US Open
  • 1998: Australian Open
  • 1999: Australian Open

Doppu:

  • 1996: Wimbledon mit Helena Sukova
  • 1997: Australian Open met Natasha Zvereva
  • 1998: Australian Open met Mirjana Lucic, die French Open, Wimbledon und die US-Open, alli met Jana Novotná
  • 1999: Australian Open met Anna Kurnikowa
  • 2000: French Open met Mary Pierce
  • 2002: Australian Open met Anna Kurnikowa
  • 2015: Wimbledon met Sania Mirza

Mixed:

  • 2006: Australian Open met Mahesh Bhupathi
  • 2015: Wimbledon met Leander Paes

Weblink[ändere | Quälltäxt bearbeite]

 Allmänd (Commons): Martina Hingis – Sammlig vo witere Multimediadateie