Mariekapelle z Wettige

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
D Mariekapelle uf em Sulperg
Mariebild in de Kapelle

D Marienkapelle vo Wettige isch e Kapelle, wo öppe im Johr 1749 uf em Sulperg bauet worde.

Gschicht[ändere | Quälltäxt bearbeite]

Scho im Johr 1738 het de Chlosterbaumeister vo Wettige, de Bartholomäus Würsch e Kapelle welle baue. Am 13. März 1738 het er für 15 Gulde vom Chloschter es Stück Land uf em Sulperg kauft. Er het aber sini Plän nöd chönne realisiire und sini Erbe vo dem Land, d Brüeder Franz und Sebastian Bürgler sind mit de Erbschaft zum Bau vo de Kapelle verpflichtet gsi. Mit de Unterstützig vom Chloschter hei sis im 1749i gschafft. Mit de Johr isch de Unterhalt vo dere Kapelle vernaqchlässigt worde und so het si im 1836i müesse grundlegend renoviirt wärde. Di Renovation het's Chloschter zahlt. S isch au d Initiative vom Chloschter gsi, dass di Kapelle en Altar übercho het und es Mariebild. Im 1851i isch in Fronarbeit en vier Fuess breite Weg zu de Kapelle bauet worde, damit me guet het chönne druf laufe. D Kapelle isch nämlich oft bsuecht worde und am 15. Ougschte isch jewils e Prozession gsi.

Weblink[ändere | Quälltäxt bearbeite]

 Commons: Marienkapelle Wettingen – Sammlig vo Multimediadateie

47.4639944444448.3402805555556Koordinaten: 47° 27′ 50″ N, 8° 20′ 25″ O; CH1903: 667982 / 257414