Margarete Potratz
D Margarete Potratz (* 1920; † 14. Novämber 2005) isch e dytschi Dialäktdichteri gsii.
Lääbe
[ändere | Quälltäxt bearbeite]Si isch as jingschts vu fimf Maidli z Sulz im Huus vu „s Kollmer Adolfe“ ufgwachse. Ihre Vater isch Chämiböuer un Buur gsii. No dr Schuel het s Kartonascharbaiteri glehrt, het as Biroghilfi un zytwys au as Tramfahreri gschafft. Mit ihre Schweschter Barbara het si vu 1945 bis 1949 dr Buurehof gfiert.
Si het iber 400 Gedicht un Gschichtli gschribe un isch dermit mit ihre Schweschter bi Verain, an dr Fasnet, bi Geburtsdag un an Familiefescht ufdrätte. Regelmäßig het si Gedicht au in dr Lohrer Zytig vereffetligt. Si het emol iber ihri Gedicht gsait, si seie „vom Kopf, übers Herz direkt in die Feder geflossen“. Derzue het si Dialäktwerter gsammlet, vor allem sonigi, wu hit fascht nimi bruucht wäre. Anne 1999 het si ne Uuswahl vu ire Gedicht unter em Titel Uf em Gardebänkli uusegee. Dr Klaus Kaltenbach het anne 2000 iber des Gedichtbändli gschribe:
„Üwer 400 Gedichte un Gschichte het si in ihrem Läwe gschriewe. Si sin vun re tiefe Liäb zur Heimet durchdrunge un mit viel Humor g'würzt. Kindheitserinnerunge, Naturverständnis un Lewensweisheite wechsle sich ab.“
Am 14. Novämber 2005 isch d Potratz im Alter vu fascht 85 Johr gstorbe.
Wäärch
[ändere | Quälltäxt bearbeite]- Uf em Gardebänkli. Eigenverlag, Lahr-Sulz 1999
Literatur
[ändere | Quälltäxt bearbeite]- Klaus Kaltenbach: Margarete Potratz zum Gedenken. In: Alemannisch dunkt üs guet, 2006, Heft 1 (Online)
Weblink
[ändere | Quälltäxt bearbeite]- Täxtprobe uf dr Websyte vu dr Muettersproch-Gsellschaft