Magic: D Zämäkumft

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Magic-Spiler

Magic D Zämäkumft (englisch Magic:The Gathering) isch es Sammelchartespiel wo 1993 erschiene isch. Erfunde hets de Richard Garfield und usege worde isch es vo de Firma Wizards, wo de Hasbro ghört.

Sammelchartespiel[ändere | Quälltäxt bearbeite]

Bi Sammelchartespiel gats im Allgemeine drum, das es vili verschideni Charte git, wo me cha sammle, aber vor allem au demit spile. Jedes Jahr gits neui Editione, das heisst es werded neui Chartä erfunde und uf de Märt bracht. Im Fall vo Magic D Zämäkumft chauft mer chlini Päckli (die heissed Booster), wos 15 verschideni, zuefälligi Charte drin hät. Wenn mer denn emal gnueg Charte kauft hät, bastlet mer sich us dene es sogenannts Deck. Mit dem Deck spilt mer denn gege än andere Spieler. Im Fall vo Magic hät es Deck mindestens 60 Charte. Mer dörf dodebi Charte vo veschidene Editione mischä, aber vo jedere Chartä dörfed höchstens vier Exemplar im Deck si (Usser bi Standardländer, det dörfed beliebig vil im Deck si).

Churzi Regelerchlärig[ändere | Quälltäxt bearbeite]

Bi Magic hät jede Spieler am Afang 20 Läbäspünkt. S Spiel chame uf mehreri Arte günnä: Wenn de Gägner kei Läbäspünkt me het, wenn de Gägner en Charte mues zieh, das aber ned chan, wenn en Zauberspruch seit du hesch gunne oder wenn de Gägner 10 Giftpünkt het. Dadezu cha mer zum Bispiel Kreature usspile und mit dene de Gegner agrifä. Es git aber au vili anderi Möglichkeitä. Die Goldig Regle vo Magic beseit, dass wenn e Chartä dä Regle widerspricht, dass denn d Chartä vorrang hät. Das macht s Spiel natürli interessanter, aber au komplizierter.

Di verschidene Chartätype[ändere | Quälltäxt bearbeite]

Land I jedem vo dine Züg dörfsch du es Land usspile. Du bruchsch Länder zum anderi Sachä usspile chöne. Länder mached nämlich Mana. Das isch sozägä s Geld vo Magic, wo du bruchsch, zum die andere Arte vo Chartetype z zale. Es git 5 Standardlandtype: Ebeni, Inslä, Sumpf, Gebirge und Wald. Die mached verschideni Sorte Mana, nämlich wisses, blaus, schwarzes, rots bzw. grüens. Länder sind farblos. Aber die andere Chartätype händ jewils ä Farb, abhängig devo, was si für Manachöstä händ.

Kreatur Mit Kreature chasch du din Gegner agrife. Si füeged ihm denn Schade zue und so verlürt er sini Läbäspünkt. Du chasch Kreature aber au bruchä, zum di agrifende Kreature vo dim Gegner z blocke.

Verzauberig Verzauberige verändered meistens d Regle vom Spiel.

Artefakt Artefakt sind spezielli Chartä. Si händ nämli kei Farb. Es git au Artefaktkreaturä. Die sind denn beides: Artefakt und Kreatur.

Hexereie Hexereie chasch du nume eimal bruchä. Du spilsch si us, si mached öpis, und denn gönds uf din Friedhof. Im Gegesatz dezue chömed Länder, Kreature, Verzauberige und Artefakt is Spiel und du chasch si bruche, bis si s Spiel verlönd.

Spontanzauber Spontanzauber funktioniered wie Hexereie. Aber du chasch si au im Zug vo dim Gegner schpilä.

Planeswalker Planeswalker (uf dütsch übersetzt Weltewanderer) sind en neue Typ, wos na nöd lang git. Sie sind sehr mächtig. Sie händ spezielli Fähigkeite, wo du i dim Zug jeweils nu eini spilä chasch. Es git no witeri Regle für Planeswalker: z. B. cha me Planeswalker au agriffe.

Extärni Syte[ändere | Quälltäxt bearbeite]