Münzemäss Basel
| Dialäkt: Baseldütsch |
D Basler Münzemäss isch e Mäss für Numismatik und e Münzebörse, wo jedes Johr im Januar vo dr World Money Fair AG z Basel veraastaltet wird. Si findet im Kongrässzentrum vo dr Mustermäss statt.
1972 het d «Organisation Europäischer Münzen-Börsen» (OEMB), wo vom Luzärner Albert Beck gründet worden isch, z Basel die «Ersti Internationali Münzebörse» veraastaltet, wo sich spööter zur «Europa-Münzenbörse» und schliesslig zur «World Money Fair» entwigglet het. Sit 1981, wo d Royal Canadian Mint an dr Münzemäss Basel mitgmacht het, hai immer meh staatligi Bräägstette afo mitmache für zum ihri nöiste Brodukt vorfüehre. Hützudags sis öbbe fufzig. 2006 isch d «World Money Fair» uf Berlin züüglet.[1]
2011 het d Basler Münzemäss ei Wuche noch dr World Money Fair z Berlin stattgfunde. Uf 160 Disch si drbii Münze, Medallie und Gäldnoote us alle Zite und vile Länder usgstellt worde, wie au Fachbüecher und alles, won esoo zur Numismatik ghöört.[2]
Fuessnoote
[ändere | Quälltäxt bearbeite]- ↑ Weltgrößte Münzenmesse in Berlin: World Money Fair, abgrüeft am 18. Oktober 2011
- ↑ Website vo dr Basler Münzemäss: Erfolgreiche 40. Internationale Münzenmesse in Basel Archivlink (Memento vom 13. Oktober 2011 im Internet Archive), abgrüeft am 18. Oktober 2011