Quälltext vu Lovebugs aaluege

{{Infobox Band
|Bild       = 
|Bildbeschreibung = 
| Gründung    = 1993
|Auflösig   = 
| Neugründung = 
|Genre       = Alternative Pop
|Website     = http://www.lovebugs.ch/
|Gründer1a = Sebastian Hausmann
|Gründer1b = Bass
|Gründer2a =  Adrian Sieber
|Gründer2b = Gitarre, Gsang
|Gründer3a = Julie Lauper 
|Gründer3b = Schlagzüüg
| Besetzung1a = [[Adrian Solo|Adrian Sieber]]
| Besetzung1b = [[Gesang|Gsang]]
| Besetzung2a = Thomas Rechberger
| Besetzung2b = [[Gitarre]]
| Besetzung3a = Florian Senn
| Besetzung3b = [[E-Bass|Bass]]
| Besetzung4a = Stefan Wagner
| Besetzung4b = [[Keyboard]]
| Besetzung5a = Simon Ramseier
| Besetzung5b = [[Schlagzeug|Schlagzüüg]]
}}
{{Dialekt|Baseldeutsch|Baseldytsch|Baseldütsch}}
D '''Lovebugs''' si e [[Schweiz|Schwiizer]] Musiggruppe us [[Basel]]. D Musig, wo si macht, ghört stilistisch zum [[Britpop]].

== D Gschicht vo dr Band ==
Ihri Gschicht het 1992 mit eme Zeddel im ene Blattelade aagfange: «Drummer gesucht». So si dr Sebastian Hausmann (Bass), dr Adrian Sieber (Gitarre und Gsang) und d Julie Lauper (Schlagzüüg) zämmechoo.
Si hai denn bim «Basler Bandcontest» mitgmacht, em Taläntwettbewärb. D Band het sich dr Name «Lovebugs» gee und isch zur Live-Ändusscheidig iiglade worde, wo si gwunne hai und hai döffe e CD broduziere.

E Johr druf het d Schlagzüügere Julie müesse goh. Dr Sebastian und dr Adrian hai z zweit die ersti CD vo de Lovebugs mit em Diddel ''«Fluff»'' ufgnoh. Grad druf isch dr Simon Ramseier dr neu Schlagzüüger worde.

1995 si d Lovebugs uf Tour gange. Näbebii hai si ihr zweits Album broduziert und si zum erste Mol im Usland ufdräte. 1996 isch s erste Hitparaden-Album ''«Lovebugs»''  erschiine, wo denn mit dr Single ''«Fantastic»'' grad in d Top 40 iigstiige isch. 1998 isch dr Gitarrist Thomas Rechberger zur Band choo.

Im Johr 2000 het d Band ihr vierts Album ''«Transatlantic Flight»'' broduziert wo de Lovebugs zum Durchbruch verholfe het: S Album isch in dr Schwiiz bis uf Blatz drei ufgstiige und het für usverchaufti Konzärthüüser gsorgt.

D Band het 2001 s fümfte Album «Awaydays» ufgnoh und isch im April uf Blatz eins in de Schwiizer Albumcharts iigstiige. Dr Sebastian het d Lovebugs verloo, zum sich sim Glam-Rock-Projekt [[Fucking Beautiful]] z widme. An siiner Stell si dr Florian Senn am Bass und dr Stefan Wagner am Keyboard zu de Lovebugs choo.

2003 isch s Album ''«13 Songs With a View»'' erschiine und het s in dr Schwiizer Album-Hitparade uf Blatz 8 brocht. S neggste erfolgriiche Album «Naked» isch unplugged live iigspiilt worde und 2005 uusechoo. Es isch diräkt uf Nummere eins bi dr Schwiizer Hitparade iigstiige. D Band het bi dr Vorbereitig vo dere CD äng mit em Musigbroduzänt Chris von Rohr zsämmegschafft.

Im Juni 2006 hai d Lovebugs s Album ''«In Every Waking Moment»'' veröffentligt, wo ebefalls uf Blatz 1 vo dr Schwiizer Album-Hitparade iigstiige isch. Au die beide Singles ''«The Key»'' (Blatz 17) und ''«Avalon»,'' e Duett mit dr Lene Marlin (Blatz 10) si e baae Wuche in dr Hitparade blatziert gsi.

Zu ihre Lieder, wo am meiste gspiilt wärde, ghöre ''«Fantastic», «Angel Heart», «Under My Skin», «Bitter Moon», «Music Makes My World Go Round», «Flavour of the Day», «A Love Like Tides»'' und ''«Everybody Knows I Love You»''.

Denn hai d Lovebugs e Pause gmacht, wo dr Sänger Adrian Sieber usgnützt het, e Soloprojekt, won er lang blant ghaa het, under em Name [[Adrian Solo]] umzsetze.

Im Mai 2009 si d Lovebugs für d Schwiiz bim [[Eurovision Song Contest 2009]] mit em Diddelsong vo ihrem aktuelle Album ''«The Highest Heights»'' adräte, hai aber dr Iizug in dr Final nid gschafft, wil si nume 15  Pünkt überchoo hai und uf em 14. Blatz glandet si. S Album het s uf e zweit Blatz in de Schwiizer Charts brocht.

== Diskografii ==
=== Albene ===
* 1994: Fluff
* 1995: Tart
* 1996: Lovebugs
* 1997: Lovebugs (Remix-Album)
* 1999: Live Via Satellite - The Radio X-Session
* 2000: Transatlantic Flight
* 2001: Awaydays
* 2003: 13 Songs with a View
* 2005: Naked (Unplugged)
* 2006: In Every Waking Moment
* 2009: The Highest Heights
* 2009: Only Forever – The Best Of
* 2012: Life Is Today

=== Singles ===
* 1996: Fantastic
* 1998: Angel Heart
* 1999: Under My Skin
* 2000: Bitter Moon
* 2001: Music Makes My World Go Round
* 2001: Coffee and Cigarettes
* 2002: Flavour of the Day
* 2003: A Love Like Tides
* 2006: The Key
* 2006: Avalon (featuring [[Lene Marlin]])
* 2009: 21st Century Man
* 2009: The Highest Heights
* 2009: Shine
* 2012: Truth is
== Quelle ==
<references />

== Weblingg ==
* [http://www.lovebugs.ch/ Offizielle Website]
* [http://www.hitparade.ch/showinterpret.asp?interpret=Lovebugs Diskografie und Hitparaden-Erfolge Schweiz]

{{Navigationsleiste Schweiz beim Eurovision Song Contest}}

{{Übersetzungshinweis|de|Lovebugs|dütsch}}

[[Kategorie:Pop]]
[[Kategorie:Schwiizer Band]]
[[Kategorie:Musig z Basel]]