Logarithmedafele

Siite us ere Logarithmische Dafele vo 1912

Logarithmedafele sait m enere Dabälle vo de Mantisse vo Logarithme (meistens zur Basis 10) vo Zahle im e gwüsse Beriich, im Allgemeine vo 1,00 bis 9,99.

Logarithmedafele si über Johrhunderti e wichtigs Rächehilfsmiddel gsi, bsundrigs in de Natur- und Ingenieurwüsseschafte. Vili Berächnige in dr Schuelmathematik, z. B. s Zieh vo schwiirige Wurzle, hai nume mit ihrer Hilf chönne usgfüehrt wärde.

D Erfindig und die wiiti Verbreitig vo Kalkulatore und Computer het d Verwändig vo Logarithmedafele innerhalb vo wenige Johr praktisch völlig überflüssig gmacht, ähnlig wie s mit em Rächeschieber bassiert isch.

Dä Artikel basiert uff ere fräie Übersetzig vu dere Version vum Artikel „Logarithmentafel“ vu de dütsche Wikipedia. E Liste vu de Autore un Versione isch do z finde.