S Litratuurhuus Baasel
| Dialäkt: Baseldütsch |
Koordinate: 47° 33′ 16″ N, 7° 35′ 28″ O; CH1903: 611478 / 267092
S Literaturhuus Basel isch im Joor 2000 as ersts Literatuurhuus in dr Schwiz ufdoo worde mit em Ziil, d Literatuur und d Autoore in dr Stadt z fördere. Es befindet sich sit 2006 an dr Barfüessergass 3 z Basel.
Funkzioone
[ändere | Quälltäxt bearbeite]S Literaturhuus Basel organisiert öffentligi Lääsige, Diskussionsrundene, literarischi Spaziergäng und anderi Veraastaltige. Es git Lääsizirkel und e Schriibwärkstatt, wo d Lüt s Schriibe chönne leere und drüber chönne diskutiere.
S Lektoraat am Literaturhuus Basel bietet au e professionells Lektoraat-Servis aa und macht Guetachte vo Manuskript und begläitet literarischi Brojekt. Dr Saal vom Literatuurhuus cha am Fritig- und Samschdigoobe gmietet wärde und het Blatz für 140 Lüt. Em Literaturhuus isch s Café »Kafka am Strand« aagschlosse, won e Dräffpunkt für literarisch Intressierti isch.
Organisatorischs
[ändere | Quälltäxt bearbeite]Dr Bresidänt vom Dräägerveräin «LiteraturBasel» isch dr Hans Georg Signer (2012). D Intendantin Katrin Eckert läitet s Literatuurhuus Basel sit em Oktober 2008.