Laure Lavalette

Us der alemannische Wikipedia, der freie Dialäkt-Enzyklopedy
Dialäkt: Mìlhüüserdiitsch

D’ Laure Lavalette (* 16. Àwrìl 1976 z’ Pàriis) ìsch a frànzeescha Politikera vum Rassemblement National (RN). Zitter 2022 ìsch sa Àbgoordneta vum Département Var ìn dr Nàzionààlversàmmlung. Üsserdam ìsch sa zitter 2021 Regionààlräätin vu dr Provence-Alpes-Côte d’Azur, un vu 2014 bis 2022 ìsch sa Gmaindaräätin vu Toulon gsìì.

ìhr Laawa un Kàrriar[ändere | Quälltäxt bearbeite]

Ìhr Vàtter ìsch Mìtglììd ìn dr neofàschìschta Beweegung Ordre Nouveau gsìì un hàt sìch schpeeter em Front National (FN) ààgschlossa.[1] Ar ìsch Ankelkìnd vu’ma Kampfer vu da Croix-de-Feu gsìì — dàs ìsch a Liiga, wo ànna 1936 uffgleest worra-n-ìsch. Ar ìsch FN-Kàndidààt gsìì bii da Pàrlàmantswàhla vu 1993 un 1997 ìm 5. Wàhlkrais vum Département Gironde.[2]

D’ Laure Lavalette hàt z’ Bordeaux a Maischterpriafung vum Wiiracht bschtànda un hàt sìch ànna 1999 z’ Toulon nììdergloo.[3] Wahrend ìhrem Schtudium hàt sa zwìscha 1996 un 1998 d’ Àbtailung Bordeaux vu dr nàzionàlìschta un identitäära Beweegung Renouveau Étudiant glaita, wo mìt’m Front National un dr Groupe Union Défense (GUD) verbunda gsìì ìsch. Noh dr Zittung L’Express hàt dia Grupp hüüfig àn Kampfa un Ìwwerfàlla geega-n-ìwwer Lìnks-Àktìwìschta mìtgmàcht.[4]

Ànna 1997 hàt sìch d’ Lavalette em Front National ààgschlossa. Ìm Joohr druff ìsch sa FN-Kàndidààtin bii dr Kàntonààlwàhl z’ Bègles ìm Département Gironde gsìì, àwwer ìsch nìt gwählt worra. Ànna 1999 ìsch sa Mìtglììd ìm Bruno Mégret siinera Pàrtäi Mouvement National Républicain (MNR) — dàs ìsch a Àbschpàltung vum Front National gsìì. A pààr Moneeta schpeeter ìsch sa zem FN z’ruckkumma.[5]

Ànna 2014 ìsch d’ Lavalette àls Opposizioons-Gmaindaräätin z’ Toulon gwählt worra. Ànna 2021 ìsch sa àls Regionààlräätin vu dr Provence-Alpes-Côte d’Azur gwählt worra.[5] Wahrend dr Presidantschàftswàhl vu 2022 ìsch sa aina vu da 13 Wortfiahrer vu dr Marine Le Pen gsìì un ìsch hüüfig ìn da Meedia-n-ufftratta. Vor dr Kàmpània hàt ìhra dr ehamààliga BFMTV-Schurnàlìschta Pascal Humeau a pààr Rootschlaag gaa.[5]

Bii dr Pàrlàmantswàhl vu 2022 ìsch d’ Lavalette ìm 2. Wàhlkrais vum Var àls Àbgoordneta gwählt worra — àn dr zwaita Wàhlrunda hàt sa dr LREM-Kàndidààt Ange Musso mìt 51,64 Prozant vu da Schtìmma gschlààga.[6] Waaga-n-em Siig hàt sa üss ìhrem Àmt àls Gmaindaräätin vu Toulon müassa z’rucktratta. Ìn dr Nàzionààlversàmmlung ìsch sa Mìtglììd vum Üssschuss fìr soziààla-n-Ààglaagahaita — doo düet sa d’ FN-Fràkzioon koordiniara.[7]

D’ Lavalette ìsch kàthoolischa Tràdizionàlìschta un geht jeeder Sunntig uff dr tridentiinischa Mass.[4] Sa ìsch d’ Müatter vu fìmf Kìnder, drunter a behìnderta Tochter.[8]

Ainzelnoohwiisa[ändere | Quälltäxt bearbeite]

  1. Thomas Rabino: Rassemblement national : avec Laure Lavalette, le retour du FN à la papa. In: Marianne. 2. Oktober 2022, archiviert vom Original am 30. März 2023; abgruefen am 23. Juli 2023 (französisch).
  2. Thomas Rabino: Laure Lavalette, la figure montante du RN… qui rappelle le vieux FN. In: Marianne. 8. Oktober 2022, abgruefen am 23. Juli 2023 (französisch).
  3. Qui est Laure Lavalette, la nouvelle députée (RN) de la 2e circonscription du Var. In: Var-Matin. 19. Juni 2022, archiviert vom Original am 18. April 2023; abgruefen am 23. Juli 2023 (französisch).
  4. 4,0 4,1 Erwan Bruckert: Laure Lavalette : le passé trouble de la députée RN, entre barres de métal et commandos. In: L’Express. 3. März 2023, abgruefen am 23. Juli 2023 (französisch).
  5. 5,0 5,1 5,2 Yann Bouchez: Qui est Laure Lavalette, candidate RN aux législatives de juin. In: Le Monde. 3. Mai 2022, archiviert vom Original am 16. Juli 2023; abgruefen am 23. Juli 2023 (französisch).
  6. Résultats des élections législatives 2022 : Var (83) - 2ème circonscription. Frànzeesch Ìnnaminìschterium, archiviert vom Original am 16. August 2022; abgruefen am 23. Juli 2023 (französisch).
  7. Caroline Vigoureux: Retraites: les visages de l’affrontement à l’Assemblée nationale. In: L’Opinion. 28. Januar 2023, archiviert vom Original am 5. Juni 2023; abgruefen am 23. Juli 2023 (französisch).
  8. Législatives : qui est Laure Lavalette, nouvelle députée du Var catholique et lepéniste. Europe 1, 21. Juni 2022, archiviert vom Original am 8. Dezember 2022; abgruefen am 23. Juli 2023 (französisch).
Dä Artikel basiert uff ere fräie Übersetzig vu dere Version vum Artikel „Laure_Lavalette“ vu de französische Wikipedia. E Liste vu de Autore un Versione isch do z finde.