Köönigriich Groossbritannie

Kingdom of Great Britain Köönigriich Groossbritannie 1707–1801
Faane Wabbe
← ← Navigation →
Amtssprooch	Änglisch
Hauptstadt	London
Staatsform	Föderals Köönigriich
Regierigsform	Parlamentarischi Monarchii
Staatsoberhaupt	Köönig
Regierigsschef	Brömieeminister (1721–1801)
Flechi	230.977 km² (1801)
Iiwooner	16.345.646 (1801)
Wäärig	Pfund Sterling
Existänzzitruum	1707–1801
Nazionalhümne	God Save the King (inoffiziell)
Köönigriich Groossbritannie um 1750

S Köönigriich Groossbritannie isch am 1. Mai 1707 entstande, wo d Köönigriich Ängland und Schottland im Act of Union 1707 veräinigt worde si. E gmäinsams Parlamänt und e gmäinsami Regierig in dr City of Westminster häi s Land verwaltet. Schottland und Ängland si scho sit 1603 in Personalunion verbunde gsi. Wales isch mit de Gsetz zur Iigliiderig vo Wales 1535–1542 e Bestanddäil vo Ängland worde.

1707 het e „britischi Monarchii“ die änglische und schottische Monarchie ersetzt. S Parlamänt vo Ängland isch zum Parlamänt vo ganz Groossbritannie erwiteret und s schottische Parlamänt isch ufglööst worde. Bäidi Länder häi Sitz im House of Commons (Underhuus) und im House of Lords (Oberhuus) überchoo. Schottland het aber nume 45 Parlamäntsabgeordneti und 16 Peers ghaa, weniger as sim Däil vo dr Bevölkerig entsproche het.

Vo 1714 het s e Personalunion mit em Kurfürstedum Braunschweig-Lüneburg („Kurhannover“) gee.

S Köönigriich Groossbritannie isch am 1. Januar 1801 vom Veräinigte Köönigriich vo Groossbritannie und Irland abglööst worde.

Weblingg

 Commons: Königreich Großbritannien – Sammlig vo Multimediadateie

• Britischi Gschicht im 17. und 18. Joorhundert

Dä Artikel basiert uff ere fräie Übersetzig vum Artikel „Königreich_Großbritannien“ vu de dütsche Wikipedia. E Liste vu de Autore un Versione isch do z finde.